సముద్రాన్ని జయించిన ఏడేళ్ల చిచ్చర పిడుగు!.
రాంచీకి చెందిన ఏడేళ్ల ఇషాంక్ సింగ్ సాధించిన విజయం ప్రతి ఒక్కరికీ ప్రేరణ. శ్రీలంక నుంచి ధనుష్కోడి వరకు విస్తరించిన ప్రమాదకరమైన పాల్క్ జలసంధిని 29 కిలోమీటర్లు కేవలం 8 గంటల 50 నిమిషాల్లో ఈదుతూ ఆయన తన అసాధారణ ధైర్యం, పట్టుదల, కృషిని ప్రపంచానికి చాటిచెప్పాడు..
చిన్న వయసులోనే పెద్ద లక్ష్యాన్ని పెట్టుకుని దానిని సాధించడం ఎంత గొప్ప విషయమో ఇషాంక్ నిరూపించాడు. మార్గం కఠినంగా ఉన్నా, కెరటాలు భయపెట్టినా, మనసులో నమ్మకం, కష్టపడే తత్వం ఉంటే అసాధ్యం అనేది ఏదీ లేదని ఈ చిన్నారి మనకు గుర్తు చేస్తున్నాడు.
ఈ విజయంతో “వయసు కాదు, సంకల్పమే ముఖ్యం” అనే సందేశం మరింత బలంగా మారింది. మనలో ఉన్న సామర్థ్యాన్ని నమ్మితే, ఎంత పెద్ద సముద్రాన్నైనా జయించగలం.
