🙏 ఓం శ్రీ గురుభ్యోనమః 🙏
🌹పంచాంగం🌹
శ్రీరస్తు – శుభమస్తు – అవిఘ్నమస్తు,
తేదీ … 16 – 05 – 2025,
వారం … భృగువాసరే ( శుక్రవారం )
శ్రీ విశ్వావసు నామ సంవత్సరం,
ఉత్తరాయనం,
వసంత ఋతువు,
వైశాఖ మాసం,
బహుళ పక్షం,
తిథి : *చవితి* రా2.21 వరకు,
నక్షత్రం : *మూల* మ2.01 వరకు,
యోగం : *సిద్ధం* ఉ5.44 వరకు,
తదుపరి *సాధ్యం* తె5.09 వరకు,
కరణం : *బవ* మ2.00 వరకు,
తదుపరి *బాలువ* రా2.21 వరకు,
వర్జ్యం : *మ12.18 – 2.01,*
మరల *రా12.03 – 1.44,*
దుర్ముహూర్తము : *ఉ8.05 – 8.56,*
మరల *మ12.21 – 1.12,*
అమృతకాలం : *ఉ7.11 – 8.53,*
రాహుకాలం : *ఉ10.30 – 12.00,*
యమగండం : *మ3.00 – 4.30,*
సూర్యరాశి : వృషభం,
చంద్రరాశి : ధనుస్సు,
సూర్యోదయం : 5.32,
సూర్యాస్తమయం: 6.20,
*_నేటి విశేషం_*
*సంకష్టహర చతుర్థీ*
ప్రతి మాసంలోనూ కృష్ణపక్షంలో అనగా పౌర్ణమి తరువాత వచ్చే నాలుగోరోజు సంకష్టహర చతుర్థి.
ఈ రోజున గణపతి ఆరాధన చేయడం వల్ల చాలా శుభ ఫలితాలు వస్తాయని శాస్త వచనం…
జీవితంలో ఎదురయ్యే కష్టనష్టాలను తొలగించి, విజయపథంలో నడిపిస్తుంది, తలపెట్టిన ఏ పనీ ముందుకు పోకుండా, అన్నిటా విఘ్నాలు కలుగుతూ ఉన్నప్పుడు… అశాంతి, శారీరక, మానసిక రుగ్మతలు బాధిస్తున్నప్పుడు… రుణబాధలతో పాటు జీవితంలో అనేక రకాలయిన కష్టాలు కలుగుతూ ఉన్నప్పుడు… ప్రతి మాసంలోనూ సంకట హర చతుర్థినాడు యథాశక్తి విఘ్నేశునికి పూజలు జరిపితే ఈ కష్టాలన్నీ తొలగి సుఖ సంతోషాలు కలగడంతోబాటు, కార్యజయం కలుగుతుంది.
*ఈ వ్రతవిధానం ఇలా ఉంటుంది!!..*
సంకటహరచవితి వ్రతాన్ని 3, 5, 11 లేదా 21 నెలల పాటు ఆచరించాలి.
వ్రతాచరణ రోజున ప్రాతఃకాలమే శిరస్సున స్నానం చేసి, తరువాత గణపతిని పూజించాలి.
మనస్సులోని కోరికను తలచుకొని మూడు గుప్పిళ్ళ బియ్యాన్ని ఎర్రని వస్త్రంలో వేయాలి. తమలపాకుల్లోరెండు ఎండు ఖర్జూరాలు, రెండు వక్కలు, దక్షిణ పెట్టి మూటకట్టాలి.
ఆ మూటను స్వామి ముందు పెట్టి ధూపం వెలిగించి కొబ్బరికాయ లేదా పళ్ళు స్వామికి నివేదించాలి.
సంకటనాశన గణేశ స్తోత్రం, సంకట హర చతుర్థి వ్రత కథను చదవాలి.
శక్త్యనుసారం గరిక పూజ కాని , గణపతి హోమం కాని చేయించుకోవచ్చు.
తదుపరి గణపతి ఆలయానికి వెళ్ళి 3 లేక 11 లేక 21 ప్రదక్షిణలు చేయాలి.
సూర్యాస్తమయం వరకూ పూజ చేసిన వినాయకుడిని కదపరాదు.
సూర్యుడు అస్తమించిన తరువాత స్నానం చేసి దీపం వెలిగించి తిరిగి వినాయకుడికి లఘువుగా పూజ చేయాలి.
నియమం పూర్తయిన తరువాత వినాయకుడికి కట్టిన ముడుపు బియ్యంతో పొంగలి చేసి స్వామికి నివేదించిన తరువాత తినాలి.
*_🌹శుభమస్తు🌹_*
🙏 సమస్త లోకా సుఖినోభవంతు 🙏
