హైద్రాబాద్‌కు ఏఐసీసీ ఇన్‌చార్జి మానిక్కం ఠాగూర్….

నేడు హైద్రాబాద్‌కు ఏఐసీసీ ఇన్‌చార్జి మానిక్కం ఠాగూర్ రానున్నారు. సాయంత్రం 4గంటలకు గాంధీభవన్‌లో ముఖ్య నేతలతో సమావేశం కానున్నారు. హైదరాబాద్, రంగారెడ్డి, మహబూబ్ నగర్ ఎమ్మెల్సీ అభ్యర్థి ఎంపికపై చర్చ జరగనుంది. రేపు వరంగల్, నల్గొండ, ఖమ్మం అభ్యర్థి ఎంపిక కోసం సమావేశం జరగనుంది. ఎమ్మెల్సీ అభ్యర్థులను ఫైనల్ చేసే అవకాశం ఉంది. వరంగల్, నల్గొండ, ఖమ్మానికి రాములు నాయక్ పేరు దాదాపు ఖరారు అయింది. ఇప్పటికే ఆయనకు పార్టీ పెద్దలు గ్రీన్ సిగ్నల్ ఇచ్చారు. వరంగల్ సీటు కోసం మరో నేత బెల్లయ్య నాయక్ పట్టుబడుతున్నారు. మహబూబ్ నగర్, హైదరాబాద్, రాంగారెడ్డి అభ్యర్థి ఎంపికపై తర్జన భర్జన పడుతున్నారు. పరిశీలనలో చిన్నారెడ్డి, వంశీచంద్ రెడ్డి, డిపి స్కూల్స్ చైర్మన్ కెవిఎన్ రెడ్డి పేర్లున్నాయి.