తల్లికి వందనం అందని విద్యార్థులకు మరో ఛాన్స్.. అరోజే అకౌంట్లోకి డబ్బులు.!

తల్లికి వందనం అందని విద్యార్థులకు మరో ఛాన్స్.. ఆ రోజే ఖాతాల్లోకి డబ్బులు!

అమరావతి: పేద విద్యార్థులకు ఆర్థికంగా అండగా నిలిచేందుకు ఆంధ్రప్రదేశ్ ప్రభుత్వం అమలు చేస్తున్న ‘తల్లికి వందనం’ పథకంపై కీలక ప్రకటన వెలువడింది. తొలి విడతలో నగదు అందని విద్యార్థులకు మరో అవకాశం కల్పించాలని ప్రభుత్వం నిర్ణయించింది.

‘తల్లికి వందనం’ పథకం కింద పాఠశాలల్లో చదువుతున్న విద్యార్థులకు ప్రతి ఏడాది రూ.15 వేల ఆర్థిక సాయం అందజేస్తుంది. ఈ ఏడాదికి సంబంధించిన తొలి విడత నిధులను ఇప్పటికే అర్హులైన విద్యార్థుల తల్లుల బ్యాంకుల్లో ప్రభుత్వం జమ చేసింది.

అయితే కొంతమంది విద్యార్థులకు బ్యాంకు ఖాతాకు ఆధార్ లింక్ కాకపోవడం, బ్యాంకు వివరాల్లో, ఇతర సాంకేతిక కారణాల వల్ల నగదు జమ కాలేదు. అలాగే ఈ విద్యా సంవత్సరంలో కొత్తగా పాఠశాలల్లో చేరిన విద్యార్థులకు అర్హులకు కూడా ఈ పథకం కింద సాయం అందించే ప్రభుత్వం చర్యలు చేపడుతోంది.

ఈ నేపథ్యంలో అర్హత తొలి విడతలో నగదు పొందని విద్యార్థుల వివరాలను మరోసారి పరిశీలించి, అవసరమైన సవరణలకు అవకాశం కల్పించనున్నారు. ఆగస్టు 19న అర్హులైన విద్యార్థుల తల్లుల ఖాతాల్లో ‘తల్లికి వందనం’ నగదు జమ చేయాల్సిన సమాచారం.

దీంతో తొలి విడతలో సాంకేతిక కారణాల వల్ల సాయం అందని కుటుంబాలతో పాటు, కొత్తగా పాఠశాలల్లో చేరిన అర్హులైన విద్యార్థులకు కూడా ఊరట లభించనుంది.

తొలి విడతలో అర్హులై ఉండి డబ్బులు రాని విద్యార్థుల జాబితాను గుర్తించి.. సామాజిక తనిఖీల కోసం గత నెల 21నే ప్రభుత్వం రాష్ట్రవ్యాప్తంగా ఉన్న అన్ని సచివాలయాలు/గ్రామ, వార్డుల్లో అందుబాటులో ఉంచింది. ఈ జాబితాలో ఉన్న విద్యార్థులు తమ అభ్యంతరాలను ఆధారాలతో సహా సమర్పిస్తే.. వాటిని పరిశీలించి రెండో విడతలో వారి అకౌంట్లో ప్రభుత్వం డబ్బులు జమ చేయనుంది. ఇందుకు ఈ నెల 7వ తేదీ వరకు ప్రభుత్వం దరఖాస్తులను కూడా స్వీకరించింది.

ఇందుకుగాను మొత్తం 4,470 దరఖాస్తులు వచ్చినట్లు ప్రభుత్వం గుర్తించింది. వీరి అర్హతలను మరోసారి పరిశీలించి.. ఈ నెల 30వ తేదీన ఫస్ట్ క్లాస్ నుంచి ఇంటర్మీడియట్ వరకు అర్హులైన విద్యార్థుల జాబితాలను అధికారులు విడుదల చేస్తారు. అదే సమయంలో తల్లికి వందనం తొలి విడత డబ్బులు పొందని అర్హులైన విద్యార్థుల తల్లుల ఖాతాల్లో రూ.13 వేలు జమ చేయనున్నారు..