మెగా ఫ్యామిలీకి రామ మందిర ఆహ్వానం…!

*హైదరాబాద్*

*అయోధ్య కార్యక్రమానికి రామ్ చరణ్ జోడీకి ఆహ్వానం..
దేశమంతా ఎంతో ఆతృతగా అయోధ్య రామ మందిర ప్రారంభానికి ఎదురు చూస్తున్నారు. ఎన్నో ఏళ్ళ కల సాకారం కాబోతుంది. కేంద్ర ప్రభుత్వం, అయోధ్య ట్రస్ట్, హిందూ ధార్మిక సంస్థలు రాముని ఆగమనాన్ని ఘనంగా నిర్వహిస్తున్నారు. జనవరి 22న రామ ప్రతిష్టాపన ఘనంగా జరగనుంది. దేశం నలుమూలల జై శ్రీరామ్ అంటూ సంబరాలు జరగనున్నాయి…

అయోధ్యలో ఈ నెల 22న జరగనున్న శ్రీరాముడి విగ్రహ ప్రతిష్ఠ కార్యక్రమానికి రామ్ చరణ్ దంపతులకు ఆహ్వానం అందింది.

రామమందిర ట్రస్టు ప్రతినిధులు ఈ జోడీని ఆహ్వానించారు….

ఇప్పటికే ఈ కార్య క్రమానికి రావాలని టాలీవుడ్ నుంచి చిరంజీవి, ప్రభాస్ కి ఆహ్వానం అందింది…
మెగాస్టార్ చిరంజీవికి(Chiranjeevi) కూడా విశ్వహిందూ పరిషత్ నాయకులు స్వయంగా కలిసి ఈ ఆహ్వానాన్ని అందించారు. చిరంజీవి కూడా సతీసమేతంగా అయోధ్యకు హాజరవుతానని, ఈ ఆహ్వానం వచ్చినందుకు చాలా సంతోషంగా ఉందని తెలిపారు. అలాగే రామ్ చరణ్(Ram Charan) దంపతులకు కూడా అయోధ్య ఆహ్వానాన్ని అందించారు. చరణ్, చిరు ఫ్యామిలీతో సహా జనవరి 22న అయోధ్యకు హాజరు కానున్నారు. సినీ పరిశ్రమలో ఇంకా పలువురికి ఆహ్వానాలు వెళ్లనున్నట్టు సమాచారం…

ఈ కార్యక్రమానికి ప్రధాని మోదీ చీఫ్ గెస్ట్ గా హాజరు కానున్నారు.