ఓ కన్నతల్లి కసాయిగా మారింది…పసికందును హత్య చేసి చైన్ స్నాచింగ్ డ్రామా….ఆ కథకి పోలీసులే షాక్!!!..
జనగామ జిల్లా:-.
జనగామ పట్టణం లోని అంబేడ్కర్‌ నగర్ లో చైన్ స్నాచింగ్ కలకలం, ప్రసన్న అనే మహిళ మెడలోంచి పుస్తెల తాడు అపహరించే ప్రయత్నం చేసిన గుర్తు తెలియని దుండగుడు, పుస్తెల తాడు ఇవ్వకుండా పెనుగులాడిన మహిళ..,
మహిళ చేతిలోంచి తన కూతురు తేజస్వి
(1 సంవత్సరం) ని గుంజుకుని నీటిసంపు లో పడవేసిన దుండగుడు, చిన్నారి మృతి, జనగామ ఎంసీహెచ్ కు తరలింపు.. ఇది చిన్నారి తల్లి చెప్పిన ఓ కట్టు కథ.. కానీ పోలీసులు తమదైన శైలిలో విచారించి విషయాన్ని రాబట్టే ప్రయత్నం చేశాక అసలు విషయం మీరే చూడండి…
కానీ ఆ మహాతల్లి మాత్రం అనారోగ్యంతో ఉన్న పసిపాప ప్రాణం తీసింది. పసికందును హత్య చేసి చైన్ స్నాచింగ్ డ్రామా ఆడింది. అయితే పోలీసుల విచారణలో అసలు విషయం బయటపడింది.
అసలు కథ ఇది..!!!.
జనగాం జిల్లా అంబేద్కర్ కాలనీకి చెందిన ప్రసన్న, భాస్కర్ దంపతులకు ఏడాది వయసున్న పాప ఉంది. పసికందులో వయసుకు తగ్గ ఎదుగుదల లేకపోవడంతో జీవితాంతం బాలికతో ఇబ్బందులు పడాల్సి వస్తుందని భావించిన ఆమె బిడ్డను వదిలించుకునే మాస్టర్ ప్లాన్ చేసింది. కన్న బిడ్డ ప్రాణం తీసి పోలీసులను తప్పుదారి పట్టించేందుకు చైన్ స్నాచింగ్ డ్రామా ఆడింది. బైక్పై వచ్చిన దొంగలు తన మెడలోని మంగళసూత్రాన్ని తెంపే ప్రయత్నం చేయగా అడ్డుకున్నట్లు చెప్పింది. దీంతో స్నాచర్లు తన చేతుల్లో ఉన్న పాప మెడలోని చైన్ లాక్కొని చిన్నారిని సంపులో పడేసినట్లు కట్టుకథ చెప్పింది.
పాప తండ్రి భాస్కర్ ఫిర్యాదు మేరకు కేసు నమోదుచేసుకున్న పోలీసులు దర్యాప్తు ప్రారంభించారు. తల్లి ప్రసన్న చెబుతున్న కథనంపై అనుమానం రావడంతో అదుపులోకి తీసుకుని ప్రశ్నించగా అసలు నిజం బయటపడింది. ఎదుగుదల లేని బిడ్డతో ఇబ్బందులు పడాల్సి వస్తుందని తానే చిన్నారిని చంపినట్లు అంగీకరించింది. నిందితురాలు ప్రసన్న పై 302 సెక్షన్ ప్రకారం కేసు నమోదు చేశారు.