అందరికీ స్నేహితుల దినోత్సవం శుభాకాంక్షలు,…
, ఈ ప్రపంచంలో అన్ని బంధాలలో స్నేహ బంధం ప్రత్యేకమైనది, ప్రతి ఒక్కరికి స్నేహితులు ఉంటారు…
స్నేహితుల దినోత్సవం.. యువత ఎంతో ఆనందంగా జరుపుకునే రోజు. ఫ్రెండ్స్‌కి ఫోన్ చేసి విషెష్ చెప్పడం… దగ్గరగా ఉండే స్నేహితులకు బ్యాండ్స్ కట్టడం… సరదగా షికారుకు వెళ్లడం… సాధారణంగా ఫ్రెండ్‌షిప్ డే రోజు చేసేది ఇదే కదా! కాకపోతే ఇప్పుడు వాట్సాప్ మెసేజ్‌లు ఎక్కువైపోయాయి. రకరకాల కొటేషన్స్‌తో వాట్సాప్‌లో స్నేహితుల దినోత్సవ శుభాకాంక్షలు చెప్పుకుంటున్నారు. కొంతమంది అయితే సింపుల్‌గా ‘హ్యాపీ ఫ్రెండ్‌షిప్ డే’ అని మెసేజ్ పెట్టేస్తున్నారు. మరి అలాంటి వారి కోసం కొన్ని మంచి ఫ్రెండ్‌షిప్ కొటేషన్స్ అందిస్తున్నాం…
* స్నేహం చేయడానికి తొందరపడొద్దు..
స్నేహం
చేశాక ఎప్పటికీ వదలొద్దు
• నీ గురించి అన్నీ తెలిసిన ఏకైక వ్యక్తి, ఇప్పటికీ నిన్ను ఇష్టపడేది నీ స్నేహితుడు మాత్రమే
• స్నేహం అంటే భుజం మీద చేయి వేసి నడవడమే కాదు.. నీకెన్ని కష్టాలు వచ్చినా నేనున్నాని భుజం తట్టి చెప్పడం..
ఆపదలో అవసరాన్ని, బాధల్లో మనసుని తెలుసుకుని సహాయపడేవాడే నిజమైన స్నేహితుడు..
• స్నేహం కోసం ప్రాణమివ్వడం కష్టమేమీ కాదు, అంతటి త్యాగం చేసే స్నేహితుణ్ని పొందడమే కష్టం
• నువ్వు లేకపోతే నేను లేను అనేది ‘ప్రేమ’.. నువ్వుండాలి నీతో పాటు నేనుండాలి అనేది ‘స్నేహం’..
• నువ్వు చేసిన తప్పులను నీ ముఖం మీద చెప్పి సరిచేసేవాడే నిజమైన స్నేహితుడు…
నేస్తమా అని పలకరించే హృదయం నీకుంటే.. నీ నేస్తానికి చిరకాలం నేను తోడుంటా..
• పేద, ధనిక చూడనిది.. కుల, మత భేదం లేనిది.. బంధుత్వం కన్నా గొప్పది ‘స్నేహం’ ఒక్కటే
• నీ చిరునవ్వు మాత్రమే తెలిసిన మిత్రుని కన్నా.. నీ కన్నీళ్ల విలువ తెలిసిన మిత్రుడు మిన్న
• నీ మీద నీకే నమ్మకంలేని సమయంలో నిన్ను నమ్మినవాడే నీ మిత్రుడు
• కలలే జీవితానికి ఆధారం.. నమ్మకమే ఆశకు మూలం.. కష్ట సుఖాలను పంచుకోవడమే స్నేహానికి బలం
• నిజమైన స్నేహం మంచి ఆరోగ్యం లాంటిది.. పోగొట్టుకొనేంత వరకూ దాని విలువ తెలుసుకోలేం
• వంద మంది స్నేహితులు ఉండటం గొప్పకాదు.. వంద సమస్యలు తీర్చే ఒక్క మిత్రుడు ఉండటం గొప్ప..
*మిత్రుడు.
నా అంధకార జగత్తు లో
వెలుగువైన జాబిలి
జీవన ప్రస్థానం లో
మీ చెలిమే ఓ మజిలి
ఎడారైనా జీవితంలో
ఎండమావు లెదురైతే
నిరాశలో మీ స్నేహం
ఓయాసిస్సైంది
మమకారపు అనురాగపు
మీ స్నేహపు మధురస్మ్రతి
మరుజన్మకు సైతం
మరువలేని అనుభూతి
చెదపట్టిన బంధాల్లా
చెరిగి పోదు మన స్నేహం
చైత్రమాసపు ఎండలో
నాకు చిరుజల్లువి నేస్తం
ఓ చైతన్యపు స్వరూపమై
ఓ మహా ప్రవాహమై
సెలయేటీ గలగలలా
సేద తీర్చినావు
ఇంతగొప్ప ఈ రోజులు
మళ్ళీ మళ్ళీ రావు
నా జీవితాన మరిచి పోని
వరానివయ్యావు…..
*స్నేహితుల దినోత్సవ శుభాకాంక్షలతో*