భారత్‌ వెస్టిండీస్ పర్యటనలో భాగంగా డొమినికాలోని విండ్సర్‌ పార్క్‌లో తొలి టెస్టు మ్యాచ్ జరుగుతోంది. టాస్‌ గెలిచిన వెస్టిండీస్ ముందుగా బ్యాటింగ్‌ ఎంచుకుంది.తొలి రోజు తొలి సెషన్‌లో భారత బౌలర్లు సత్తా చాటారు. ఈ సెషన్‌లో వెస్టిండీస్ 68 పరుగులకే నాలుగు వికెట్లు కోల్పోయింది. అలీక్ ఇథనోజ్, అరంగేట్రం మ్యాచ్ ఆడుతూ 13 పరుగులతో నాటౌట్‌గా నిలిచాడు…https://twitter.com/mufaddal_vohra/status/1679161541885833216?ref_src=twsrc%5Etfw%7Ctwcamp%5Etweetembed%7Ctwterm%5E1679161541885833216%7Ctwgr%5E56b0e2084845475bb263f53461d157b97acf3bd4%7Ctwcon%5Es1_c10&ref_url=http%3A%2F%2Fapi-news.dailyhunt.in%2F
14 పరుగుల వద్ద జెర్మైన్ బ్లాక్‌వుడ్ అవుటయ్యాడు. రవీంద్ర జడేజా బౌలింగ్‌లో అతను మహ్మద్ సిరాజ్‌కు క్యాచ్ ఇచ్చాడు. అంతకుముందు శార్దూల్ ఠాకూర్ బౌలింగ్‌లో రామన్ రీఫర్ (2 పరుగులు) వికెట్ కీపర్ ఇషాన్ కిషన్ చేతికి చిక్కాడు. ఇక రవిచంద్రన్ అశ్విన్ కెప్టెన్ క్రెగ్ బ్రాత్‌వైట్ (20 పరుగులు), తేజ్‌నరైన్ చందర్‌పాల్ (12 పరుగులు) వికెట్లు తీశాడు.అయితే, హైదరాబాదీ బౌలర్ సిరాజ్ అద్భుతమైన క్యాచ్ అందుకుని ఆశ్చర్యపరిచాడు. ఈ ప్రక్రియలో అతను తన మోచేతికి చిన్న గాయమైంది. అయితే ఇంతటి అద్భుతమైన క్యాచ్ పట్టడంతో ఆ నొప్పి కూడా మాయమైంది. జడేజా ఆఫ్-స్టంప్‌పై విసిరిన బాల్‌ను బ్లాక్‌వుడ్ భారీ హిట్ కోసం వెళ్ళాడు. కానీ, అతను దానిని భారీ షాట్‌గా మలచడంలో విఫలమయ్యాడు. మిడ్-ఆఫ్ వైపు గాల్లోకి లేచిన బంతిని అక్కడే ఉన్న సిరాజ్ వెనుకకు పరిగెత్తుతూ.. గాల్లోకి డైవింగ్ చేసి కళ్లు చెదిరే క్యాచ్ అందుకున్నాడు. దీంతో షాక్ అవుతూ బ్లాక్‌వుడ్ పెవిలియన్ చేరాడు.
