జియో ఫోన్ వినియోగదారులకు గుడ్ న్యూస్…

జియో ఫోన్ వినియోగదారులకు గుడ్ న్యూస్ ప్రకటించింది రిలైయన్స్ సంస్థ. తాజాగా జియో ఫోన్ 2021 సరికొత్త ఆఫర్లను తీసుకొచ్చింది. ఈ ఆఫర్లతో వినియోగదారులకు రెండు ఏళ్ళు పూర్తిగా బెనిఫిట్స్ పొందవచ్చు. ఇప్పటి వరకూ 2జి వాడుతున్న కస్టమర్స్ ఇక నుంచి 4 జీ సేవలను అతితక్కువ ధరకు పొందవచ్చు. ఈ ఆఫర్ తో తక్కువ ధరకు ఒక కొత్త జియో ఫోన్ ను రెండు ఏళ్ల పాటు అన్ లిమిటెడ్ సర్వీస్ తో లభిస్తుంది.
దేశంలోనే అతి పెద్ద టెలికాం ఆపరేటర్ సంస్థ జియో రూ. 1999 లతో 24 నెలల పాటు అన్ లిమిటెడ్ కాల్స్ ను ప్రతి రోజూ 2 జిబి డేటా ను అందిస్తుంది. ఈ ఆఫర్ ను ఎంచుకునే చందారులకు డేటా, అపరిమిత కాల్స్ సహా అనేక ప్రయోజనాలు అందుతాయి.
రిలయన్స్ జియో యొక్క జియోఫోన్ 2021 ఆఫర్ కింద ఒక సంవత్సరం ప్లాన్ కూడా అందిస్తోంది. దీనికోసం రూ .1499 కు చెల్లించాల్సి ఉంటుంది. దీంతో వినియోగదారులు జియోఫోన్ మరియు 12 నెలల అన్లిమిటెడ్ సర్వీస్ అందుకోవచ్చు.
అయితే ఇప్పటికే జియో నెంబర్ వాడుతున్న వినియోదారులకు కూడా మరొక ఆఫర్ ని ప్రకటించింది. 2GB రోజువారీ డేటా మరియు అన్లిమిటెడ్ కాల్స్ ను కేవలం 749 రూపాయల అఫర్ ధరకే పొందవచ్చు. అయితే, ప్లాన్ తో జియోఫోన్ మాత్రం రాదు. ఇప్పటికే ఉన్న JioPhone నంబర్లలో మాత్రమే ఈ ప్లాన్ యాక్సెస్ చేయబడుతుంది.
ఈ ఆఫర్‌ను ప్రకటించినప్పుడు, రిలయన్స్ జియో డైరెక్టర్ ఆకాష్ అంబానీ మాట్లాడుతూ, “భారతదేశం లో జియో కు 300 మిలియన్ల మంది చందాదారులు ఉన్నారని వారికి డేటా సేవలు మరింత దగ్గరగా తీసుకుని వెళ్లడం కోసమే తమ ప్రయత్నమని చెప్పారు.