కాంగ్రెస్కు గుడ్ బై చెప్పే యోచనలో సీనియర్ నేత జీవన్ రెడ్డి
జీవన్ రెడ్డి నివాసంలో కాంగ్రెస్ ఫ్లెక్సీలు తొలగింపు
జీవన్ రెడ్డి ఆదేశాలతో తొలగించిన కార్యకర్తలు
రేవంత్ సర్కార్ పై ఇప్పటికే తీవ్ర ధిక్కార స్వరం వినిపిస్తున్న జీవన్ రెడ్డి
ఇవ్వాళ కలెక్టరేట్ వద్ద రైతులతో కలిసి నిరసన
పార్టీ మార్పుపై క్లారిటీ ఇవ్వకున్నా మారుతున్నట్టు సంకేతాలు
పార్టీ మారాల్సిందేనని కార్యకర్తల పట్టు
పార్టీ రంగుకు, గుర్తుకు రాం రాం అంటూ కార్యకర్తలతో వ్యాఖ్య
వరుస ఎపిసోడ్ల నేపధ్యంలో జీవన్ రెడ్డి పయనమెటు అన్నదానిపై సర్వత్రా ఆసక్తి
ఉదయం జీవన్ రెడ్డితో ఫోన్లో మాట్లాడిన మీనాక్షి నటరాజన్
నచ్చజెప్పే యత్నాన్ని లైట్ తీసుకున్న మాజీమంత్రి జీవన్ రెడ్డి
ఘాటుగా స్పందించిన మాజీమంత్రి జీవన్ రెడ్డి.
నలభై ఏండ్ల కాంగ్రెస్ ప్రయాణానికి మీరిచ్చిన బహుమతి ఇదే అని వ్యాఖ్యలు.
ఇక కాంగ్రెస్ తో నా ప్రయాణం చాలు అంటూ ముగించిన జీవన్ రెడ్డి…
రాష్ట్రంలో అధికార కాంగ్రెస్ పార్టీకి బిగ్ షాక్ తగిలే సూచనలు కనిపిస్తున్నాయి. మాజీ మంత్రి జీవన్ రెడ్డి కాంగ్రెస్కు గుడ్ బై చెప్పి బీఆర్ఎస్‍లో చేరేందుకు ముహూర్తం ఫిక్స్ అయినట్లు తెలుస్తోంది. ఈ నెల 25 న ఆయన గులాబీ తీర్థం పుచ్చుకోబోతున్నట్లు ప్రచారం జరుగుతోంది. గత కొంత కాలంగా కాంగ్రెస్ పార్టీలోని పరిణామాల పట్ల తీవ్ర అసంతృప్తితో రగిలిపోతున్న జీవన్ రెడ్డి ఇక కాంగ్రెస్ పార్టీకి రాజీనామా చేసే యోచనలో ఉన్నట్లు నియోజకవర్గ నేతల టాక్. ఈ మేరకు ఇటీవల బీఆర్ఎస్ పార్టీ వర్కింగ్ ప్రెసిడెంట్ కేటీఆర్‍తో జీవన్ రెడ్డి భేటీ అయి పార్టీలో చేరిక అంశంపై చర్చలు జరిపినట్లు జిల్లా వ్యాప్తంగా గుప్పుమంది. తన పార్టీ మార్పుపై తన సన్నిహితులతో చర్చించిన జీవన్ రెడ్డి కాంగ్రెస్‍ను వీడి కారెక్కబోతున్నట్లు జోరుగా ప్రచారం జరుగుతోంది.
