జమ్మూ కాశ్మీర్ కుప్వారాలో చొరబాటు ప్రయత్నాన్ని సైన్యం ఛేదించడంలో 2 ఉగ్రవాదులు మృతి…
భారత సైన్యం చేపట్టిన ఆపరేషన్ పింపుల్ తాజా సమాచారం ప్రకారం, జమ్మూ కాశ్మీర్‌లోని కుప్వారా జిల్లాలోని కేరన్ ప్రాంతంలో భద్రతా దళాలు ఇద్దరు ఉగ్రవాదులను హతమార్చాయి. కొనసాగుతున్న ఆపరేషన్ గురించి ఆర్మీ చినార్ కార్ప్స్ ఈ విషయాన్ని వెల్లడించింది.
జమ్ముకశ్మీర్‌లోని కుప్వాడాలో నియంత్రణ రేఖ వెంబడి ఉగ్రవాదుల చొరబాటు ప్రయత్నాన్ని సైన్యం భగ్నం చేసింది. ఈ క్రమంలో జరిగిన ఎదురుకాల్పుల్లో ఇద్దరు ఉగ్రవాదులు హతమైనట్టు అధికారులు తెలిపారు. ఆ ప్రాంతంలో ఆపరేషన్ ఇంకా కొనసాగుతోందని పేర్కొన్నారు..కుప్వాడాలోని కెరాన్ సెక్టార్‌లో నియంత్రణ రేఖ వెంబడి ఉగ్రవాదులు చొరబాటుకు యత్నిస్తున్నట్టు శుక్రవారం నిఘా వర్గాల నుంచి సమాచారం అందింది. ముష్కరులను అడ్డుకునేందుకు ‘ఆపరేషన్ పింపుల్’ కింద శుక్రవారం(నవంబర్ 7న భారత్ ఆర్మీకి చెందిన చినార్ కార్ప్స్ తనిఖీలు నిర్వహించింది. ఈ క్రమంలో శనివారం ఉదయం ఉగ్రవాదులు ఎదురుపడి కాల్పులు జరిపారు. అప్రమత్తమైన సైనికులు ఎదురుకాల్పులు జరపడంతో ఇద్దరు ముష్కరులు హతమయ్యారు. కెరాన్ సెక్టార్‌లో సెర్చ్ ఆపరేషన్ కొనసాగుతున్నట్టు చినార్ కార్ప్స్ పేర్కొంది. ఈ మేరకు ఎక్స్లో పోస్ట్ చేసింది..
