కోకాపేట భూవివాదంలో బయటపడ్డ వాస్తవాలు..?
కోకాపేట్ భూముల వేలంతో సత్తా చాటిన హైదరాబాద్ రియల్ బ్రాండ్.. అక్కడ కూడా పెరగనున్న ధరలు.. భూముల ధరలు ఒకసారిగా పెరగడంతో అక్రమార్కులకు కూడా కొంత ల్యాండ్ మీద సన్నివేసినట్టుగా సమాచారం.. కొనుగోల వ్యవహారాల విషయంలో చంద్రశేఖర్ పై పలు కేసులు నమోదయ్యాయి ఉన్నాయని తెలిపారు…
ఎమ్మెల్సీ చల్ల వెంకటేశ్వర్ రెడ్డి, ఎమ్మెల్యే హర్షవర్ధన్ రెడ్డిపై కేసు పెట్టిన గోల్డ్ ఫిష్ ఎమ్ డీ చంద్ర శేఖర్.
దర్యాప్తులో బయటపడ్డ చంద్ర శేఖర్ అసలు రంగు. ఇలాంటి వివాదాలలాగానే అప్పటికే చంద్ర శేఖర్ పై 15 కేసులు ఉన్నాయని గుర్తించిన పోలీసులు.
చంద్ర శేఖర్ పై నార్సింగిలో 3, గచ్చిబౌలిలో 2, రాయదుర్గంలో 2, కాచిగూడలో 1 కేసులు నమోదు.
చంద్ర శేఖర్ బాధితుల్లో నటుడు ప్రభాస్ తమ్ముడు ప్రమోద్, నటుడు గోపీచంద్ మేనేజర్ శ్రీకాంత్, కొంతమంది సాఫ్ట్ వెర్ ఉద్యోగులు ఉన్నారని పోలీసులు తెలిపారు…
చంద్రశేఖర్ వేగె.. అలియాస్ చందు. గోల్డ్ షిప్ రియల్ ఎస్టేట్ సంస్థ మేనేజింగ్ డైరెక్టర్..
ఎమ్మెల్యే హర్షవర్ధన్ రెడ్డి, ఎమ్మెల్సీ వెంకట్రామిరెడ్డితో కోకాపేటలో భూవివాదంతో తెరపైకి వచ్చిన పేరు ఇది.
ఇతనేదో నిఖార్సైన రియల్ ఎస్టేట్ వ్యాపారి అయినట్టు.. ఎమ్మెల్యే, ఎమ్మెల్సీ మీదనే ఫిర్యాదు చేశారు. కానీ చంద్రశేఖర్ ప్రొఫైల్ ఓపెన్ చేస్తే అన్నీ మోసాలు, దందాలే. వివాదాస్పద భూములు కొనుగోలు చేయడం.. వాటిని అడ్డం పెట్టుకుని అరాచకాలు చేయడమే వృత్తి అన్నట్టుగా ఉంది ఆయన వ్యవహారం. కోకాపేట, నార్సింగి, రాయదుర్గం, గచ్చిబౌలిలో లిటిగెంట్ భూముల్లో వేలు పెట్టడం.. అభివృద్ధి పేరుతో వాటిని ఆధీనంలోకి తీసుకుని ఆ తర్వాత వేధింపులకు దిగడం..
అగ్రిమెంట్ సమయంలో ల్యాండ్‌కి సంబంధించిన ఒరిజినల్ డాక్యుమెంట్లు తీసుకుంటాడు. ఆతర్వాత వాటిని తిరిగి ఇవ్వకుండా వేధింపులకు దిగుతాడు. ఇప్పుడు ఎమ్మెల్సీ వెంకట్రామిరెడ్డి భూ వివాదంలోనూ ఇదే జరిగింది. కోకాపేటలోని సర్వే నెంబర్ 85లో భూమిని అభివృద్ధి చేస్తానంటూ కాంట్రాక్ట్ కుదుర్చుకుని పదేళ్లయినా పనులు చేయలేదు. ఆ భూమిని ఎమ్మెల్సీ తిరిగి స్వాధీనం చేసుకునే విషయంలోనే వివాదం నడుస్తోంది.
ఇక ప్లాట్స్, లే అవుట్లలో స్థలాలు కొనుగోలు చేసిన కస్టమర్లను ఆయన పెట్టే వేధింపులు అన్నీ ఇన్నీ కావు. అనుమతులు తీసుకోడు. నిబంధనలు పాటించడు. అంతా నా ఇష్టం అన్నట్టుగా.. నాలాలు, కబ్జాలు చేసి ఇష్టారీతిన నిర్మాణాలు చేపడతాడు. ఆ తర్వాత అమాయకులకు వాటిని కట్టబెట్టి.. డబ్బులు వసూలు చేస్తాడు. ఆ తర్వాత కస్టమర్లకు సమస్య వస్తే తనకేం సంబంధం లేదన్నట్టు వ్యవహరిస్తాడు. ప్లాట్స్ కొనుగోలు చేసిన వారికి రిజిస్ట్రేషన్ చేయడు. ఒకవేళ చేసినా విపరీతంగా డబ్బులు వసూళ్లు చేస్తాడు.చంద్రశేఖర్ చేతిలో మోసపోయిన వాళ్లలో ఎక్కువ మంది సాఫ్ట్‌వేర్ ఇంజనీర్లే ఉన్నారు. ఓ ప్రముఖ అడ్వొకేట్‌ని కూడా నిలువునా ముంచాడు. గోపీచంద్ మేనేజర్ శ్రీకాంత్ కూడా ఇతని దగ్గర 2016లో విల్లా కొనుగోలు చేసి మోసపోయాడు. ప్రముఖ నటుడు ప్రభాస్ తమ్ముడు ప్రమోద్ కూడా ఇతని దగ్గర మోసపోయిన వాళ్ల లిస్ట్‌లో ఉన్నారు. చివరకు సొంత అన్నను కూడా మోసం చేసిన ఘనుడాయన. చివరకు ప్రాజెక్ట్‌లో సాయం చేసిన వాళ్లను కూడా వెన్నుపోటు పొడవడం ఆయన నైజం.
గతంలో మల్కంచెరువు కబ్జా కేసులో ఈ చంద్రశేఖర్‌కి శిక్ష కూడా పడింది. ఇతనిపై నార్సింగిలో 3, గచ్చిబౌలిలో 2, రాయదుర్గంలో 2, కాచిగూడ పోలీస్ స్టేషన్‌లో 1 కేసు నమోదైంది. మొత్తంగా 15 కేసులకుపైగా ఉన్నాయి. అందులో 10 క్రిమినల్, 5 సివిల్ కేసులున్నాయి. 2021లోనే పీడీ యాక్ట్‌ కూడా నమోదైంది.