కేటీఆర్‌ను కలిసిన తమిళనాడు అధికార పార్టీ డీఎంకే ఎంపీలు.

తమిళనాడు అధికార పార్టీ డీఎంకే ఎంపీలు మంత్రి కేటీ రామారావును తెలంగాణ భవన్‌లో కలిశారు. నీట్ రద్దుకు డిమాండ్‌ చేయాలని తమిళనాడు సీఎం స్టాలిన్‌ సీఎం కేసీఆర్‌కు రాసిన లేఖను ఈ సందర్భంగా వారు ఆయనకు అందజేశారు. నీట్‌ రద్దుకు మద్దతు తెలపాలని కోరుతూ స్టాలిన్‌ ఇటీవల 12 రాష్ట్రాల సీఎంలకు లేఖలు రాసిన విషయం తెలిసిందే. కేటీఆర్‌ను కలిసిన వారిలో ఎంపీలు ఇళంగోవన్‌, కళానిధి వీరస్వామి తదితరులున్నారు. ఈ సందర్భంగా ఇళంగోవన్‌ మీడియాతో మాట్లాడుతూ.. నీట్‌ పరీక్ష రద్దు అంశంపై కేటీఆర్‌ను కలిసినట్లు తెలిపారు.విద్యార్థుల భవిష్యత్‌ను దృష్టిలో పెట్టుకొని నీట్‌ పరీక్ష రద్దు చేయాలని మేము కోరుతున్నాం. కేంద్ర విధానంపై నిరసన తెలుపుతున్నాం. మాకు మద్దతు ఇవ్వాలని కేసీఆర్‌ ప్రభుత్వాన్ని కోరాం. కేంద్ర ప్రభుత్వం కీలకమైన విషయాల్లో రాష్ట్రాల అభిప్రాయాలు తీసుకోవడం లేదు. కేటీఆర్‌ సానుకూలంగా స్పందించారు’’ అని ఎంపీ ఇళంగోవన్‌ అన్నారు.