మహాశివరాత్రి విశిష్టత ఏమిటి? ఈరోజు శివుని పుట్టినరోజా?
జ: భగవంతునికి పుట్టినరోజు అనేది ఉండదు… ఎందుకంటే ఆయనకు పుట్టుకే లేదు గనుక. పైగా శివునికి స్వయంభూ, ఆత్మభూ అని పేర్లున్నాయి. తనంత తాను కలిగిన వాడు అని. కలిగిన వాడు, ఉన్నవాడు అని రెండున్నాయి. భగవంతుడు ఎప్పుడూ ఉన్నవాడే. కానీ జగతిని అనుగ్రహించడం కోసం తనను తాను వ్యక్తం చేసుకుంటాడు. వ్యక్తం అవడాన్నే కలగడం అంటారు. అందుకే శివునికి ‘భవుడు(కలిగినవాడు) అని ఒక పేరు ఉన్నది.
మహాశివరాత్రి ప్రత్యేకత ఏమిటంటే సృష్ట్యారంభమునందు పరమాత్మ తనను తాను ఒక దివ్యమైన అగ్నిస్తంభాకృతిగా ప్రకటించుకున్నాడు. అది వ్యక్తమవడం. అలా వ్యక్తమైన రోజు మహాశివరాత్రి అని చెప్పబడుతున్నది. కనుక ఇది పుట్టినరోజు అని సరదాగా అనుకోవచ్చు కానీ, భగవంతుడు తనకు తాను ప్రకటించుకున్న రోజు అని భావించవచ్చు.
దీనికి సంబంధించి పురాణ కథ… బ్రహ్మవిష్ణువుల నడుమ పరమేశ్వరుడు ఒక మహాలింగంగా ఆవిర్భవించి తన ఆదిమధ్యాంత తత్త్వాన్ని ప్రకటించాడు అని చెప్తున్నారు. అయితే పురాణాలలో కించిత్ అభిప్రాయ భేదం కనిపిస్తోంది. ఒకటి మాఘ బహుళచతుర్దశి అర్ధరాత్రి సమయంలో పరమేశ్వరుడు అగ్నిలింగంగా ఆవిర్భవించాడు అని కొన్ని పురాణాలలో కనబడుతున్నది. కానీ మహాశివరాత్రికి సంబంధించిన అంశాలలో శివపురాణంలో మార్గశీర్ష మాసం ఆర్ద్ర నక్షత్రం నాడు పరమేశ్వరుడు ఒక మహాగ్నిలింగంగా ఆవిర్భవించాడు. అని చెప్పారు. ఆ ఉద్భవించిన మహాలింగం తుది, మొదలు తెలుసుకోవాలని బ్రహ్మవిష్ణువులు ప్రయత్నించారు. అందులో బ్రహ్మ హంసరూపంతో పైకి వెళ్తే, విష్ణువు వరాహరూపంతో క్రిందికి వెళ్ళారని; కానీ ఉభయులూ తుది, మొదలు తెలుసుకోలేకపోయారని, వారు పరమేశ్వరునే శరణు వేడగా ఆ పరమేశ్వరుడు వ్యక్తమై వారికి తన తత్త్వాన్ని తెలియజేశాడు. అప్పుడు బ్రహ్మ, విష్ణువులు – ఉభయులూ శివారాధన చేశారు. వాళ్ళు శివుని ఆరాధించిన రోజు మాఘ బహుళ చతుర్దశి అర్ధరాత్రి సమయం. ఆనాటినుండి శివలింగారాధన వ్యాప్తి చెందింది. బ్రహ్మవిష్ణువుల నుండి దేవతలు, దేవతల ద్వారా ఋషులు, ఋషుల ద్వారా సమస్త ప్రపంచమూ తెలుసుకున్నది. ఈ మొత్తం చెప్తూ మనకు ప్రసిద్ధి చెందిన *లింగాష్టకం* ఉన్నది. *బ్రహ్మమురారి సురార్చిత లింగం నిర్మల భాసిత శోభిత లింగం* అని. ఈ విధంగా పరమేశ్వరుడు తనను తాను వ్యక్తం చేసుకుని తన ఆరాధనను బ్రహ్మవిష్ణువుల ద్వారా వ్యాప్తి చేసిన రోజు మాఘ బహుళ చతుర్దశి. సంవత్సర కాలం శివారాధన చేసిన ఫలితం ఈ ఒక్క రోజు ఆరాధన వల్ల ఫలిస్తుంది అని మనకు శాస్త్రం చెప్తున్నది. అది మహాశివరాత్రి విశిష్టత..
ఆధ్యాత్మిక ఉన్నతి:ఉపవాసం ఆధ్యాత్మిక పురోగతికి దారితీస్తుంది. శరీరంలో శక్తి ఇనుమడిస్తుంది. అంతర్గత శాంతి, జ్ఞానోదయాలు అనుభూతికి వస్తాయి. మహాశివరాత్రి రోజు మంత్ర జపం, ధ్యానం, జాగరణ పేరుతో రాత్రిపూట జాగారం ఉండటం వల్ల ఆధ్యాత్మిక అవగాహన పెరుగుతుంది. మానసిక స్థిరత్వాన్ని కలిగిస్తుంది. ఆధ్యాత్మిక పురోగతికి సహాయపడుతుంది. అందుకే మన రుషులు, ఆధునిక శాస్త్రవేత్తలు కూడా ఉపవాసాన్ని శరీరానికి చికిత్సగా గుర్తించారు. మన శక్తి, స్థాయిని అనుసరించి ఆధ్యాత్మిక, ఆరోగ్య ప్రయోజనాలను పొందటానికి అనువుగా ఉపవాసం ఇలా చేయాలి.
నిర్జల ఉపవాసం : నిర్జల ఉపవాసం అంటే 24 గంటల పాటు ఆహారం, నీరు కూడా తీసుకోని ఉపవాసం. ఆరోగ్యం
అనుమతిస్తేనే చేయాలి…
జల ఉపవాసం : జల ఉపవాసం అంటే రోజంతా ఆహారం లేకుండా నీరు మాత్రమే త్రాగాలి.
ద్రవ ఉపవాసం : ఈ ఉపవాసంలో టీ, కొబ్బరి నీరు, నిమ్మకాయ నీరు మాత్రమే తీసుకోవాలిపాలు, పండ్ల ఉపవాసం : పాలు, పండ్లు, పెరుగు, మజ్జిగ, గింజలు మొదలైనవి తీసుకోవచ్చు.
సాత్వికాహార ఉపవాసం:ఆరోగ స్థితిని బట్టి కొంత ఆహారం అవసరమైతే గనుక సగ్గుబియ్యం, మఖానా, డ్రైఫ్రూట్స్, ఉడకబెట్టిన బంగాళదుంపలు వంటి తేలికపాటి సాత్వికాహారాన్ని ఉప్పు లేకుండా తినాలి.శక్తి హరించకూడదంటే శారీరక శ్రమను కొంత నివారించండి.ధ్యానం, మంత్రోచ్చారణ, ఆధ్యాత్మిక పఠనాల్లో నిమగ్నమవ్వండి..
హైపర్‌టెన్షన్‌ ఇతరత్రా ఆరోగ్య సమస్యలు ఉన్నట్లయితే ఉపవాసం చేయవద్దు. రక్తపోటు ఉన్నవారు పండ్లు, పాలు తీసుకునే ఉపవాసాన్ని ఎంచుకోవడం మంచిది.
ఆధ్యాత్మిక సూచనలు..
మానసిక స్పష్టత కోసం ‘ఓం నమః శివాయ’ మంత్రాన్ని జపించండి. ధ్యానం చేయండి.ఆధ్యాత్మిక శుద్ధి కోసం పరమేశ్వరునికి బిల్వ పత్రాలు, నీరు, పాలు సమర్పించండి.రాత్రి జాగరణ చేసి మెలకువగా ఉండండి. ఇది ధ్యాన ప్రయోజనాలను పెంచుతుంది..
ఉపవాసానికి ముందు రాత్రి: ఉపవాసం వల్ల శక్తి తగ్గకుండా నిలబెట్టుకోవడానికి పీచు అధికంగా ఉన్న, అధిక కొవ్వు, ప్రొటీన్లు ఉన్న ఆహారాన్ని తీసుకోండి. అంటే నెయ్యి, గింజలు, పనీర్, పెరుగు, కొబ్బరి, పండ్లు వంటివి తీసుకోవాలి.ఉపవాస విరమణ: ఉపవాసానంతరం మొదట పండ్లు, నానబెట్టిన గింజలు లేదా వెచ్చని నిమ్మకాయ నీరు వంటివి తీసుకోండి.శివరాత్రి ఉపవాసం చేస్తున్నారా? – ఈ జాగ్రత్తలు పాటిస్తే నీరసం అస్సలే రాదు!ఏకాదశి రోజు ఉపవాసం ఎందుకు ఉండాలి? అసలు విషయమేమిటంటే?
