నీట్ పరీక్ష కు హాజరైన విద్యార్థినిలకు షాక్… లోదుస్తులు తీసేస్తేనే పరీక్ష హాల్‌లోకి అనుమతి ఇస్తామన్న సిబ్బంది.!!!.
నీట్ పరీక్ష రాసేందుకు ఎంతో కాలం కష‍్టపడి చదువుతుంటారు విద్యార్థులు. వైద్యులు కావాలని కలలు కనేవారు ఈ పరీక్ష కోసమే ఏళ్ల తరబడి కూడా ఎదురు చూస్తుంటారు. అయితే నీట్ 2022 నేపథ్యంలో కేరళలో షాకింగ్ ఘటన చోటుచేసుకుంది. ఆదివారం కేరళవ్యాప్తంగా నీట్ పరీక్ష జరగ్గా.. కొల్లం ప్రాంతంలోని ఓ సెంటర్లో విద్యార్థినులకు చేదు అనుభవం ఎదురైంది. సెక్యూరిటీ చెకింగ్ వద్ద మెటల్ డిటెక్టర్ మోగడంతో.. వారు వేసుకున్న ‘బ్రా’ను తొలగించాలని అక్కడి సిబ్బంది ఆదేశించారు. అలా చేయకపోతే.. పరీక్ష రాయనివ్వమని తేల్చిచెప్పారు.. లోదుస్తులు తీసేస్తేనే పరీక్ష హాల్‌లోకి అనుమతిస్తామని సిబ్బంది తేల్చి చెప్పారట. లేకపోతే పరీక్ష రాయొద్దని అన్నారట. ఈ నిబంధన వల్ల తన కూతురు తీవ్ర మానసిక క్షోభ అనుభవించిందని ఓ విద్యార్థిని తండ్రి గోపకుమార్ సూరానంద్ తెలిపారు. ఈ విషయంపై కొల్లం రూరల్‌ ఎస్పీకి ఫిర్యాదు చేశారు..