రైతు రవికుమార్ ఆత్మహత్య ఘటనపై టీపీసీసీ చీఫ్ తీవ్రంగా స్పందించారు..

R9TELUGUNEWS.COM
రైతుల బొందల గడ్డగా మారే వరకూ స్పందించరా? రేవంత్ ఫైర్…జిల్లాలో రైతు రవికుమార్ ఆత్మహత్య ఘటనపై టీపీసీసీ చీఫ్ తీవ్రంగా స్పందించారు…. రాష్ట్రంలో రైతుల దీనస్థితికి ఈ ఘటన నిదర్శనమని ఆయన అన్నారు. పండించిన పంటలకు గిట్టుబాటు ధరలు లేవని.. చదుకుున్న బిడ్డకు ఉద్యోగం, ఉపాధి లేదని రేవంత్ అన్నారు. వృద్ధులకు పెన్షన్ కూడా రాకపోవడంతో దిగాలు చెందిన రైతు ఆత్మహత్య చేసుకున్నాడని ఆవేదన వ్యక్తం చేశారు. రైతులు ఆత్మహత్యలు చేసుకుంటున్నా స్పందించరా అని మండిపడ్డారు. తెలంగాణ రైతుల బొందల గడ్డగా మారే వరకూ ముఖ్యమంత్రి స్పందించరా? రేవంత్ నిలదీశారు. మెదక్ జిల్లా హవేలీ ఘన్‌పూర్ మండలం బొగడ భూపతిపూర్‌కి చెందిన రైతు రవికుమార్(50) ఆత్మహత్య చేసుకున్నారు. చనిపోయే ముందు ఆయన రాసిన సూసైడ్ లెటర్ సంచలనంగా మారింది. ప్రభుత్వం సన్నరకం వరి సాగుచేయమంటే చేశానని.. దిగుబడి తగ్గింది, ధర కూడా లేదంటూ సీఎం కేసీఆర్‌కి లేఖ రాశాడు. తన ఐదెకరాల భూమికి నీళ్ల సదుపాయం ఉందని.. వరి తప్ప మరేదీ సాగు చేయలేనని ఆవేదన చెందాడు. ఏమీ చేయలేను సారు అంటూ సూసైడ్ నోట్ రాసి బలవన్మరణానికి పాల్పడ్డాడు. తన కొడుకు చదువు పూర్తి చేసినా ఉద్యోగం లేదని.. తండ్రికి 67 దాటినా పింఛన్ వస్తలేదని ఆయన లేఖలో పేర్కొనడం చర్చనీయాంశంగా మారింది.