నల్గొండ: ఉమ్మడి నల్గొండ జిల్లాలో భానుడు నిప్పుల కొలిమిని తలపిస్తున్నాడు. రికార్డు స్థాయి ఉష్ణోగ్రతలతో ప్రజలు ఉక్కిరిబిక్కిరి అవుతున్నారు. మంగళవారం నల్గొండ జిల్లా కట్టంగూరులో అత్యధికంగా 45.8 డిగ్రీల సెల్సియస్ ఉష్ణోగ్రత నమోదైంది. సూర్యాపేట జిల్లా మఠంపల్లిలో 44.8 డిగ్రీలు, భువనగిరి జిల్లా అడ్డగూడూరులో 44.5 డిగ్రీల ఉష్ణోగ్రతలు నమోదయ్యాయి. ఎండల తీవ్రతతో పాటు వడగాల్పులు ప్రజలను తీవ్ర ఇబ్బందులకు గురిచేస్తున్నాయి.
తెలంగాణ వ్యాప్తంగా రికార్డు స్థాయిలో టెంపరేచర్ పెరుగుతుంది. భానుడి భగభగకు జనం విలవిలలాడుతున్నారు. రాష్ట్ర వ్యాప్తంగా అన్ని జిల్లాలో ఇదే పరిస్థితి నెలకొంది. దీంతో వాతావరణ శాఖ అప్రమత్తమై పలు జిల్లాలకు ఆరెంజ్, ఎల్లో అలర్ట్ జారీ చేసింది. ప్రజలు అప్రమత్తంగా ఉండాలని హెచ్చరికలు జారీ చేసింది. వచ్చే ఐదు రోజులు వడగాల్పులు ఉంటాయని అంచనా వేసింది…ఉమ్మడి నల్గొండ జిల్లాలో 45.8 డిగ్రీల రికార్డు ఉష్ణోగ్రత..!.
ఎండలు తీవ్రతరం కావడంతో భూగర్భజలాలు తగ్గుముఖం పడుతున్నాయి. ఈ కారణంగా గోదావ రి నదిలో పూర్తిగా నీరు అడుగంటి పోగా బోర్లలో సైతం ఆలస్యంగా నీరు వస్తున్నట్లు ప్రజలు చెబుతు న్నారు. గతంలో కాళేశ్వరం ప్రాజెక్టుల సముదాయం కారణంగా గోదావరి నిత్యం నిండుగాఉండి భూగర్బ జలాలకు డోకా ఉండేది కాదు. గ్రౌండ్‌ వాటర్‌ పుష్కలంగా ఉండి బోర్లలో సమృద్ధిగా నీరు లభిం చేది. కాళేశ్వరం ప్రాజెక్టు కుంగడంతో రెండేళ్లుగా గో దావరిలో నీటిని నిల్వ చేయడం లేదు. దీంతో నది ఎండిపోవడమే కాక దాని ప్రభావం నది పరివాహక ప్రాంతాల్లోని బోర్లపైన పడుతోంది.
