సూపర్ స్టార్ కృష్ణకు అస్వస్థత.. ఆస్పత్రికి తరలింపు.. ఆందోళనలో ఫ్యాన్స్
అనారోగ్య కారణాల వల్ల కొంతకాలంగా ఇంట్లోనే ఉంటున్న స్టార్ హీరో మహేశ్ బాబు తండ్రి, సూపర్ స్టార్ కృష్ణ స్వల్ప అస్వస్థతకు గురయ్యారు. దీంతో వెంటనే ఆయన్ను తెల్లవారుఝామున మహేశ్ భార్య నమ్రత గచ్చిబౌలి కాంటినెంటల్‌ ఆస్పత్రికి చేర్పించారు. శ్వాస సంబంధిత సమస్యతో ఆస్పత్రిలో చేరినట్లు తెలిసింది. స్వల్ప గుండెపోటు కూడా వచ్చినట్లు సమాచారం. సీపీఆర్‌ కూడా చేశారట. ప్రస్తుతం ఆయనకు ఐసీయూలో చికిత్స అందిస్తున్నారు. దీంతో సూపర్స్టార్ ఫ్యాన్స్ ఆందోళన చెందుతున్నారు.అయితే ఆయన ఆరోగ్యం ప్రస్తుతం నిలకడగానే ఉన్నట్లు సీనియర్ నటుడు నరేశ్ తెలిపారు. శ్వాస సంబంధిత సమస్యతో నిన్నే ఆస్పత్రిలో చేర్పించినట్లు పేర్కొన్నారు. మరో 24 గంటల తర్వాత ఆస్పత్రి నుంచి కృష్ణను డిశ్చార్జి చేస్తారని వెల్లడించారు..