తెలంగాణ రాష్ట్రంలో హీటెక్కిన రాజకీయం..

తెలంగాణ రాష్ట్రంలో హీటెక్కిన రాజకీయం..
ఎన్నికలు ఎప్పుడైనా రావచ్చు అంటూ నాయకులకు సంకేతాలు పంపిస్తున్న
హైకమాండ్స్….

BRS పార్టీ క్యాండిడేట్లను లిస్టు దాదాపు 70% పూర్తయినట్లే..!!
కాంగ్రెస్ పార్టీ కొంత డైలమాలో .!!
అభ్యర్థుల వేటలో బిజెపి..!

ఇక అన్ని రాజకీయ పార్టీలు అభ్యర్థులపై కసరత్తు ఓ రేంజ్ లో చేస్తున్నాయి. బీఆర్ఎస్ చీఫ్ కేసీఆర్ ఇప్పటికే తుది లిస్ట్ తో రెడీగా ఉన్నారని బీఆర్ఎస్ వర్గాలు చెబుతున్నాయి. కాంగ్రెస్ పార్టీ ఇటీవల ఎన్నికల కమిటీ సమావేశాన్ని నిర్వహించింది. అభ్యర్థుల ఎంపికపై చర్చలు జరిపారు. దరఖాస్తులు తీసుకోవాలని నిర్ణయించారు. నిజానికి కాంగ్రెస్ పార్టీ నేతలు బ్యాక్ ఎండ్ లో అభ్యర్థుల జాబితాను ఫైనల్ చేసుకున్నారని చెబుతున్నారు. దరఖాస్తులు అన్నీ ఫార్మలిటీనేనని చెబుతున్నారు. మరో వైపు భారతీయ జనతా పార్టీ కూడా హై అలర్ట్ లో ఉంది. పార్టీ ముఖ్య నేతలందర్నీ.. . హైకమండ్ ఢిల్లీ పిలిపించింది. ఎన్నికలు ముందే వస్తాయని … ఏం చేయాలో చెప్పి పంపే అవకాశం ఉందని చెబుతున్నారు…

తెలంగాణ రాజకీయ పార్టీలు ప్రస్తుతం ఎన్నికల నోటిఫికేషన్ అన్నంత హడావుడి పడిపోతున్నాయి… అభ్యర్థుల జాబితాలను వడపోస్తున్నాయి. ప్రచార కార్యక్రమలను జోరుగా నిర్వహిస్తున్నారు 2018లో జరిగిన ఎన్నికలను సమయానికి ఓ నాలుగైదు రోజులు అటూ ఇటూగా షెడ్యూల్ ప్రకటించే అవకాశం ఉంది. అప్పట్లో అక్టోబర్ ఆరో తేదీన షెడ్యూల్ ప్రకటించారు. డిసెంబర్ మొదటి వారంలో పోలింగ్ జరిగింది. ఆ ప్రకారం చూస్తే ఇంకా పోలింగ్ కు మూడు నెలల గడవు ఉంది. షెడ్యూల్ రావడానికి ఇంకా రెండు నెలల గడువు ఉంది. కానీ రాజకీయ పార్టీలు మరో వారంలో నోటిఫికేషన్ వచ్చేస్తుందన్నట్లుగా హడావుడి పడుతున్నాయి. గతంలో కాదని.. ముందే ఈ సారి ఈసీ ఎన్నికల షెడ్యూల్ ప్రకటిస్తుందని రాజకీయ పార్టీలన్నీ గట్టిగా నమ్ముతూండటమే కారణం.
సెప్టెంబర్ లో ఎన్నికల షెడ్యూల్ వస్తుందని అక్టోబర్‌లో పోలింగ్ ఉటుందని బీఆర్ఎస్ వర్కింగ్ ప్రెసిడెంట్ కేటీఆర్ తమ పార్టీ నేతలకు చెప్పారు. ఆ ప్రకారం ఎన్నికలకు సిద్ధమవ్వాలన్న సంకేతాలు కూడా పంపారు. అయితే ఒక్క కేటీఆర్ కే ఇలాంటి కాన్ఫిడెన్షియల్ సమాచారం అందిందా లేకపోతే.. పార్టీ నేతలు అలసత్వం కాకుండా అలా చెప్పారా అన్నది మాత్రం ఎవరిక తెలియదు. కానీ బీఆర్ఎస్ పార్టీ సన్నాహాలు చూస్తూంటే.. ఏ క్షణమైనా నోటిఫికేషన్ వస్తుందన్నట్లుగా చేస్తున్నారు. పథకాలను శరవేగంగా ప్రారంభించేస్తున్నారు. ఎన్నికల షెడ్యూల్ వచ్చినా కోడ్ అడ్డంకి రాకుండా ఉండటానికి ఆ పనులు పూర్తయ్యేలా హామీలు అన్నిటిని కూడా శంకుస్థాపనలు చేసి ఎన్నికల కోడ్ కి అది అడ్డం కాకుండా అన్ని చర్యలు తీసుకుంటున్నట్లుగా సమాచారం..!