ఉపాధి హామీ కూలీలకు గుడ్ న్యూస్..!
జాతీయ గ్రామీణ ఉపాధి హామీ పథకం (వీబీ జీరామ్‌జీ పథకం) కూలీల సమస్యల ఫిర్యాదు కోసం 1800 200 1001 టోల్ ఫ్రీ నంబర్ ఏర్పాటు
వేతనం చెల్లించకపోయినా, వసతులు కల్పించకపోయినా, జాబ్ కార్డు సమస్యలు ఉన్నా పై నెంబర్ ద్వారా ఫిర్యాదు చేయవచ్చు.
24 గంటలూ అందుబాటులో ఉంటుంది…
జాతీయ గ్రామీణ ఉపాధి హామీ పథకం .. మనదేశంలో విజయవంతంగా అమలవుతూ.. ఎక్కువ మంది ప్రయోజనం పొందుకున్న పథకం. గ్రామీణ ప్రాంతాల్లోని వారు ఉపాధి లేదనే కారణంగా గ్రామాల నుంచి వలస వెళ్లకుండా.. వారికి పని కల్పిస్తూ అండగా నిలుస్తోంది ఉపాధి హామీ పథకం . కేంద్ర ప్రభుత్వం ఈ పథకం పేరును ఇటీవల వీబీ జీరామ్‌జీ పథకంగా మార్చిన సంగతి తెలిసిందే. అలాగే జాతీయ గ్రామీణ ఉపాధి హామీ పథకం కింద గతంలో ఏడాదికి వంద రోజుల పని కల్పిస్తూ ఉంటే.. ప్రస్తుతం ఆ సంఖ్యను 125 రోజులకు పెంచారు. అలాగే ఉపాధి హామీ కూలీలకు ఇచ్చే వేతనాన్ని కూడా పెంచారు. గతంలో ఉపాధి హామీ కూలీలకు రోజుకు రూ.250 వేతనం చెల్లించేవారు. తాజాగా ఈ మొత్తాన్ని 307 రూపాయలకు కేంద్ర ప్రభుత్వం పెంచింది..
