తమిళ(Tamil) హిరో విజయ్(vijay )ఆంటోనీ కూతురు మీరా ఆత్మహత్య..
ఇంట్లో ఉరి వేసుకుని ఆత్మహత్యకు పాల్పడ్డ మీరా…
ఆసుపత్రికి తరలిస్తుండగా మార్గమధ్యంలో మృతి..
కోలీవుడ్ స్టార్ హీరో, డైరెక్టర్, నిర్మాత విజయ్ ఆంటోని ఇంట్లో విషాదం నెలకొంది. విజయ్ ఆంటోని కూతురు మంగళవారం ఉదయం మూడు గంటలకు ఉరి వేసుకుని ఆత్మహత్య చేసుకుంది. విజయ్ ఆంటోని కూతురు పేరు మీరా. కానీ గూగుల్‌లో మాత్రం లారా అని చూపిస్తోంది. తమిళ మీడియాలో మాత్రం మీరా అనే చూపిస్తున్నారు. అమె ప్లస్ 2 అంటే ఇంటర్ సెకండ్ ఇయర్ చదువుతోంది. 12th గ్రాడ్యుయేట్ చదివే అమ్మాయి ఇలా అత్మహత్య చేసుకుందంటే.. ఒత్తిడే కారణమై ఉంటుందని అంతా అనుకుంటున్నారు.చెన్నైలోని డీడీకే రోడ్డులో విజయ్ ఆంటోని ఫ్యామిలీ నివాసం ఉంటోంది. చదువుల్లో ఒత్తిడి కారణంగానే విజయ్ కూతురు మంగళవారం ఉదయం మూడు గంటలకు తన రూంలోని ఎలక్ట్రిక్ ఫ్యాన్‌కు ఉరి వేసుకుని ఆత్మహత్య చేసుకుంది తమిళ మీడియా చెబుతోంది. అయితే ఈ సూసైడ్‌కు గల కారణాలు అధికారికంగా తెలియాల్సి ఉంది. విజయ్ ఆంటోని అయితే ఈ వార్తల మీద, తన కూతురి మృతి మీద ఇంత వరకు ఎలాంటి ప్రకనట చేయలేదు. కూతురి మరణం పట్ల కుంగిపోయిన విజయ్ ఆంటోనికి అభిమానులు ధైర్యాన్ని చెబుతున్నారు. బాధపడకు అన్నా.. ధైర్యంగా ఉండు అంటూ సంతాపాన్ని ప్రకటిస్తూ నెట్టింట్లో ట్వీట్లు పెడుతున్నారు..
గతంలో ఓ ఇంటర్వ్యూలో ఆత్మహత్యలపై మాట్లాడిన విజయ్ ఆంటోని..
విజయ్ ఆంటోని గతంలో సూసైడ్ థాట్స్ గురించి కొన్ని విషయాలు చెప్పాడు. అసలు ఆత్మహత్య ఎందుకు చేసుకుంటారు? ఆ ఆలోచనలు ఎందుకు వస్తాయ్ అనేదానిపై మాట్లాడాడు. ఎవరినైనా ఎక్కువగా నమ్మి మోసపోయినప్పుడు, చెప్పినట్టుగా, కమిట్మెంట్ ఇచ్చినట్టుగా పని చేయలేకపోయినప్పుడు.. చిన్నపిల్లలకు అయితే చదువు విషయం వల్ల వచ్చే ఒత్తిడితో సూసైడ్ థాట్స్ వస్తాయని విజయ్ ఆంటోని తెలిపాడు.