🙏 ఓం శ్రీ గురుభ్యోనమః 🙏
🏵️పంచాంగం🏵️
శ్రీరస్తు – శుభమస్తు – అవిఘ్నమస్తు,
తేదీ … 24 – 04 – 2025,
వారం … బృహస్పతివాసరే ( గురువారం )
శ్రీ విశ్వావసు నామ సంవత్సరం,
ఉత్తరాయనం,
వసంత ఋతువు,
చైత్ర మాసం,
బహుళ పక్షం,
తిథి : *ఏకాదశి* ఉ10.14 వరకు,
నక్షత్రం : *శతభిషం* ఉ6.53 వరకు,
తదుపరి *పూర్వాభాద్ర* తె5.42 వరకు,
యోగం : *బ్రహ్మం* మ12.30 వరకు,
కరణం : *బాలువ* ఉ10.14 వరకు,
తదుపరి *కౌలువ* రా9.18 వరకు,
వర్జ్యం : *మ12.58 – 2.29,*
దుర్ముహూర్తము : *ఉ9.52 – 10.42,*
మరల *మ2.52 – 3.42,*
అమృతకాలం : *రా10.05 – 11.36,*
రాహుకాలం : *మ1.30 – 3.00,*
యమగండం : *ఉ6.00 – 7.30,*
సూర్యరాశి : మేషం,
చంద్రరాశి : కుంభం,
సూర్యోదయం : 5.42,
సూర్యాస్తమయం: 6.13
*_నేటి విశేషం_*
*వరూధిని ఏకాదశి*
చైత్ర మాసం కృష్ణ పక్షంలో వచ్చే ఏకాదశి తిథిని వరూధిని ఏకాదశి అని పిలుస్తారు…
పరమపావనమైన ఈ రోజున ఇంటిలో లక్ష్మినారాయణులను భక్తి శ్రద్ధలతో పూజించాలి, పాలను నైవేద్యంగా ఉంచి, విష్ణు సహస్రనామములను, విష్ణు అష్టోత్తరములను పారాయన చేయాలి.
పాలు, పండ్ల వంటి సాత్వికాహారం తీసుకొని ఉపవాసం ఉండాలి.
ఈ రోజున నిత్యా పూజ, ఉపవాసాది కార్యక్రమములను చేయడం ద్వారా విశేషమైన సిరిసంపదలు కలుగుతాయని, సమస్త పాపములు తొలగి వైకుంఠ ప్రాప్తిని పొందుతారని ప్రతీతి.
పురాణాల ప్రకారం మన తెలుగు మాసాలలో వచ్చే ప్రతి ఏకాదశి మాదిరిగానే ఈ ఏకాదశికి కూడా ఒక గొప్ప ప్రాముఖ్యత ఉంది.
ఈ సందర్భంగా వరూధిని ఏకాదశి వ్రతం కథ మరియు పూజా విధానాల గురించి తెలుసుకుందాం…
*పద్మపురాణ ప్రకారం…*
పద్మపురాణం ప్రకారం, ఒకప్పుడు మంధత అనే రాజు నర్మదా నది ఒడ్డున ఉండి తన రాజ్యాన్ని పరిపాలించేవాడు. అతను ఎల్లప్పుడూ ప్రజలు సుఖంగా, సంతోషంగా ఉండేలా పాలించేవాడు.
ఒకరోజు ఆ రాజు అడవిలో తపస్సు చేస్తున్నప్పుడు, ఆ రాజుపై అకస్మాత్తుగా ఓ ఎలుగుబంటి అతనిపై దాడి చేసింది.
దీంతో ఆ రాజు భయపడ్డాడు, అయితే ఆ రాజు ఆ ఎలుగుబంటిని చంపలేదు.
ఆ సమయంలో అతను విష్ణు మూర్తిని ప్రార్థించడం ప్రారంభించాడట.
ఆ సమయంలో ఆ భగవంతుడు ప్రత్యక్షమై తన సుదర్శన చక్రంతో ఆ ఎలుగుబంటిని చంపేశాడు.
అయితే విష్ణుమూర్తి ప్రత్యక్షమయ్యే సరికే రాజు గారి కాలును ఆ ఎలుగుబంటి తినేసిందట.
దీంతో ఆ రాజు చాలా నిరాశ చెందాడు.
తన రెండు చేతులను జోడించి విష్ణుమూర్తిని ప్రార్థిస్తూ ఇలా అడిగాడు.
‘ఓ ప్రభూ, ఇది నాకు ఎందుకు జరిగింది, అప్పుడు రాజు పూర్వ జన్మల పనుల ఫలాలకు ఇదంతా కారణమని చెప్పాడట.
అయితే అదే సమయంలో అదే శ్రీవిష్ణుమూర్తిని తన సమస్యకు పరిష్కారం ఏమిటని కోరాడట.
అప్పుడు ఆ నారాయణుడు నా వరాహ అవతార విగ్రహాన్ని పూజించి వరూధిని ఏకాదశిని పాటించాలని చెప్పాడు.
ఈరోజు ఉపవాసం ఉంటే మీరు కోల్పోయిన అవయవాలు మళ్లీ మీకు తిరిగి లభిస్తాయని చెప్పాడు.
ఆ దేవ దేవుని ఆదేశాల ప్రకారం ఆ రాజు వరూధిని ఏకాదశి నాడు ఉపవాసం ఉండి, ఆ దేవుని ఆశీర్వాదంతో తాను కోల్పోయిన అవయవాలను తిరిగి పొందుతాడట.
అప్పటి నుండి వరూధిని ఏకాదశిని హిందువులలో చాలా మంది పవిత్రమైన రోజుగా భావిస్తారు.
ఈ పర్వదినాన ఎంతో నిష్టతో ఉంటూ ప్రార్థనలు చేస్తారు, అలాగే భజనలు మరియు కీర్తనలు కూడా చేస్తారు.
ఈ పవిత్రమైన రోజుకు ఎంతో ప్రాముఖ్యత ఉంది కాబట్టి, పేదలకు ఈరోజు ప్రసాదము, బట్టలు, గొడుగులు దానం చేయడం మంచిది,
శ్రీక్రిష్ణుడు యుధిష్టర రాజుకు వరూధిని ఏకాదశి యొక్క ప్రాముఖ్యతను చెప్పాడని మరో కథ కూడా ప్రచారంలో ఉంది.
దీని ప్రకారం ఉపవాసం చేసేవారు ఎవరైనా జంతువుల పుట్టుక మరియు మరణ చక్రం నుండి స్వేచ్ఛ పొందుతారు.
వరూధిని ఏకాదశి నాడు పేదలకు దానాలు ధర్మాలు చేసిన మానవ కోరికలన్నీ నెరవేరుతాయని చెప్పాడు.
✔ *చేయవలసినవి :-*
🔵 దగ్గరలోనున్న వైష్ణవ ఆలయాన్ని సందర్శిస్తే విశేషంగా విష్ణు భగవానుడి అనుగ్రహం పొందుతారు.
(వీలు ఉంటే)
🔵 రోజంతా కృష్ణ, మాధవ, గోవింద అని హరినామాన్ని జపించండి.
🔵 ఏకాదశి రోజున ధాన్యంతో(బియ్యం, గోధుమ, బార్లే వంటివి) చేసిన ఆహారం నిషిద్ధము కావున పాలు, పండ్లు వంటి సాత్వికమైన ఆహారం స్వీకరించవచ్చు.
🔵 శ్రీ మహా విష్ణువు చిత్రపటానికి లేదా విగ్రహానికి తులసి హారం అర్పించాలి. విష్ణువుతో పాటు లక్ష్మీదేవిని ఆరాధించాలి
🔵 పసుపు రంగు పండు లేదా పసుపు వస్తువులను అందుబాటులో ఉంచాలి, దక్షిణ ముఖంగా ఉన్న శంఖంలో గంగా జలం నింపి విష్ణువు అభిషేకం చేయాలి.
*_🏵️శుభమస్తు🏵️_*
🙏 సమస్త లోకా సుఖినోభవంతు 🙏
