*పాక్‌కు మరోసారి ప్రధాని మోడీ వార్నింగ్..*
*పహల్గామ్ దాడికి ప్రతీకారం తప్పదని స్పష్టీకరణ*
*ఉగ్రవాదులతో పాటు మద్దతుదారులను అంతం చేస్తామని భారత ప్రధాని హెచ్చరిక.*
*మరోవైపు దాయాది దేశానికి వరుస షాక్ లు ఇస్తున్న భారత్*
*పాకిస్తాన్‌కు పోస్టల్‌ సర్వీసులు నిలిపివేత*
*పాక్‌కు పార్సిల్స్‌, మెయిల్స్‌పై నిషేధం*
*పాకిస్తాన్ వెబ్‌సైట్లపై కూడా బ్యాన్‌….
భారత ప్రధాని నరేంద్ర మోదీ ఉగ్రవాదంపై తనదైన శైలిలో మరోసారి గళం విప్పారు. పహల్గామ్ ఉగ్రదాడి నేపథ్యంలో ఉగ్రవాదులకు, వారికి అండదండలు అందిస్తున్న దేశాలకు ఆయన తీవ్రమైన హెచ్చరికలు జారీ చేశారు. అంగోలా అధ్యక్షుడితో జరిగిన కీలక భేటీ అనంతరం మోదీ చేసిన వ్యాఖ్యలు అంతర్జాతీయంగా చర్చనీయాంశంగా మారాయి. ముఖ్యంగా పాకిస్థాన్‌కు ఇవి యుద్ధ సంకేతాలేనా ? ఉగ్రవాదంపై భారత్ తదుపరి చర్యలు ఎలా ఉండబోతున్నాయని ప్రతి ఒక్కరి మదిలో ప్రశ్నలు మెదలుతున్నాయి…భారత ప్రధాని నరేంద్ర మోదీ ఉగ్రవాదంపై తన దృఢమైన వైఖరిని మరోసారి ప్రపంచానికి చాటి చెప్పారు. ఉగ్రవాదులను, వారికి సహాయం చేస్తున్న దేశాలను వదిలిపెట్టేది లేదని ఆయన తేల్చి చెప్పారు. అంగోలా అధ్యక్షుడు జావో లూరెన్కోతో జరిగిన సమావేశం తర్వాత ఏర్పాటు చేసిన మీడియా సమావేశంలో మోదీ చేసిన వ్యాఖ్యలు పాకిస్థాన్‌కు తీవ్రమైన హెచ్చరికలుగా వినిపిస్తున్నాయి.
పహల్గాంలో అమాయక పర్యాటకులపై జరిగిన దారుణమైన ఉగ్రదాడిని భారత్ ఇంకా జీర్ణించుకోలేకపోతోంది. ఈ నేపథ్యంలో మోదీ ఉగ్రవాదంపై మరింత కఠినంగా వ్యవహరించాలని నిర్ణయించుకున్నారు. పాకిస్థాన్‌కు తన చర్యల ద్వారా బుద్ధి చెప్పేందుకు వ్యూహాలు రచిస్తున్నారు. సరిహద్దుల్లో ఇప్పటికే ఉద్రిక్త పరిస్థితులు నెలకొన్నాయి..అంగోలా అధ్యక్షుడు జావో లూరెన్కో భారత్‌కు మద్దతు తెలుపుతూ ప్రధాని మోదీతో చర్చలు జరిపారు. ఉమ్మడి మీడియా సమావేశంలో మోదీ మాట్లాడుతూ.. ఉగ్రవాదం మానవాళికి పెను ప్రమాదమని, ఈ విషయంలో భారత్, అంగోలా ఏకాభిప్రాయంతో ఉన్నాయని అన్నారు. ఉగ్రవాదులపై, వారికి సహకరిస్తున్న శక్తులపై కఠిన చర్యలు తీసుకోవడానికి తాము సిద్ధంగా ఉన్నామని ఆయన స్పష్టం చేశారు. సరిహద్దుల్లో ఉగ్రవాదాన్ని అరికట్టడంలో అంగోలా సహకరిస్తున్నందుకు మోదీ కృతజ్ఞతలు తెలిపారు..అంగోలా స్వాతంత్ర్య పోరాటంలో భారత్ అందించిన మద్దతును లూరెన్కో గుర్తు చేసుకున్నారు. ఆఫ్రికా దేశాలతో భారత్ బంధం గత పదేళ్లలో మరింత బలపడిందని మోదీ అన్నారు. ఇరు దేశాల మధ్య వాణిజ్యం 100 బిలియన్ డాలర్లకు చేరుకుందని ఆయన వెల్లడించారు. ఆఫ్రికాలో కొత్తగా 17 భారతీయ రాయబార కార్యాలయాలు ఏర్పాటు చేశామని, 8 దేశాల్లో వృత్తి శిక్షణా కేంద్రాలు ప్రారంభించామని, 5 దేశాల్లో డిజిటల్ మౌలిక సదుపాయాల నిర్మాణంలో సహకరిస్తున్నామని మోదీ తెలిపారు.
మరోవైపు, భారత్ కఠినమైన వైఖరితో పాకిస్థాన్ భయాందోళనలో ఉంది. తమ పౌరులకు రేషన్ పైన కీలక ఆదేశాలు జారీ చేసినట్లు తెలుస్తోంది. ఉగ్రవాదంపై మోదీ ఈ తాజా వ్యాఖ్యలు రాబోయే రోజుల్లో భారత్-పాక్ సంబంధాలలో మరింత ఉద్రిక్తతలకు దారితీసే అవకాశం ఉంది..
పాకిస్తాన్ ఆర్మీ చీఫ్ దాడిలో..
ఉగ్రవాదం మానవాళికి అతిపెద్ద ముప్పు అని మోడీ అన్నారు. పెహల్గాం దాడిలో పాకిస్తాన్ ప్రమేయం ఉన్నట్లు స్పష్టంగా తేలిందని చెప్పారు. ఉగ్రవాదులు పాకిస్తాన్‌కి చెందిన వారని.. వారిలో ఒకరు పాక్ ఆర్మీ(Pakistan Army)లో పారా కమాండోగా పనిచేసినట్లు తేలిందని వెల్లడించారు. అమాయకుల ప్రాణాలు తీసిన ఎవరినీ వదలిపెట్టబోమని సీరియస్ కామెంట్స్ చేశారు. అయితే, తాజాగా భారత్, పాకిస్తాన్ ఉద్రిక్తతల మధ్య మరోసారి ఉగ్రవాదులకు మోడీ స్ట్రాంగ్ వార్నింగ్ ఇవ్వడం హాట్ టాపిక్‌గా మారింది. ఉగ్రవాదులు, వారికి మద్దతు ఇచ్చే వారిపై కఠిన చర్యలు తీసుకోవడానికి భారత్ సిద్ధంగా ఉందని ప్రధాన మంత్రి నరేంద్ర మోడీ అన్నారు…
