22Aపై తెలంగాణ ప్రభుత్వం కీలక ప్రకటన GHMC , DTCP, HMDA అనుమతులుంటే.. 22A పరిధిలో ఉన్నా రిజిస్ట్రేషన్లకు అనుమతి తక్షణమే అమలులోకి ప్రభుత్వ ఆదేశాలు..!
22Aపై తెలంగాణ ప్రభుత్వం కీలక ప్రకటన GHMC , DTCP, HMDA అనుమతులుంటే.. 22A పరిధిలో ఉన్నా రిజిస్ట్రేషన్లకు అనుమతి తక్షణమే అమలులోకి ప్రభుత్వ ఆదేశాలు…
సెక్షన్ 22ఏ నిషేధిత భూముల జాబితా సమస్యలపై స్పష్టతనిస్తూ, జీహెచ్‌ఎంసీ (GHMC), హెచ్‌ఎండీఏ (HMDA), మరియు డీటీసీపీ (DTCP) వంటి అధికారిక సంస్థల అనుమతులున్న లేఅవుట్లు, ప్లాట్లకు రిజిస్ట్రేషన్ల నుంచి ఎదురవుతున్న అడ్డంకులను తొలగించేందుకు తెలంగాణ ప్రభుత్వం 12 అంశాలతో కూడిన సమగ్ర కార్యాచరణ ప్రణాళికను ప్రకటించింది. రెవెన్యూ శాఖ తెలిపిన వివరాల ప్రకారం, ఈ సమస్యలను వేగంగా పరిశీలించి అర్హత ఉన్న వాటికి రిజిస్ట్రేషన్లు సులభతరం చేసేందుకు ప్రభుత్వం ఇప్పటికే ఒక ఉన్నత స్థాయి కమిటీని కూడా ఏర్పాటు చేసింది…
తెలంగాణలోని వేలాది మంది ఆస్తిదారులు, ప్లాట్లు మరియు ఫ్లాట్ల కొనుగోలుదారులకు రాష్ట్ర ప్రభుత్వం అత్యంత కీలకమైన ఊరటనిచ్చింది. జీహెచ్‌ఎంసీ (GHMC), హెచ్‌ఎండీఏ (HMDA), డీటీసీపీ (DTCP) వంటి చట్టబద్ధమైన ప్లానింగ్ అథారిటీల నుండి అనుమతులు పొందిన లేఅవుట్లు లేదా భవనాలు, సాంకేతిక లోపాలు లేదా రెవెన్యూ వర్గీకరణల వల్ల రిజిస్ట్రేషన్ చట్టంలోని సెక్షన్ 22ఏ (నిషేధిత జాబితా) పరిధిలో ఉన్నప్పటికీ, వాటి రిజిస్ట్రేషన్లకు అనుమతించాలని నిర్ణయించింది. ఈ ఆదేశాలను తక్షణమే అమల్లోకి తెచ్చేందుకు వీలుగా ఒక ప్రత్యేక విధానాన్ని అమలు చేయనున్నట్లు ప్రకటించింది.
