మంత్రి కొండా సురేఖకు క్రమశిక్షణ కమిటీ నోటీసులు
హైదరాబాద్: మంత్రి కొండా సురేఖకు కాంగ్రెస్ పార్టీ క్రమశిక్షణ కమిటీ నోటీసులు జారీ చేసింది. ఇటీవల సుస్మిత చేసిన వ్యాఖ్యలపై వివరణ ఇవ్వాలని కమిటీ ఆదేశించింది. ఈ మేరకు మూడు రోజుల్లోగా వివరణ సమర్పించాలని సురేఖకు సూచించింది.
ముఖ్యమంత్రి రేవంత్ రెడ్డి, రేవూరి ప్రకాశ్ రెడ్డిపై సుస్మిత చేసిన అనుచిత వ్యాఖ్యల వ్యవహారాన్ని క్రమశిక్షణ కమిటీ సీరియస్‌గా తీసుకున్నట్లు సమాచారం. ఈ అంశంపై సురేఖ నుంచి వివరణ కోరుతూ నోటీసులు జారీ చేసినట్లు తెలుస్తోంది.
ఇదే సమయంలో మాజీ మంత్రి చిన్నారెడ్డికి కూడా క్రమశిక్షణ కమిటీ నోటీసులు జారీ చేసింది. వనపర్తిలో ఎమ్మెల్యేపై చేసిన వ్యాఖ్యలపై వివరణ ఇవ్వాలని కమిటీ కోరింది. మూడు రోజుల్లోగా వివరణ సమర్పించాలని చిన్నారెడ్డిని ఆదేశించింది.
పార్టీ నేతల వ్యాఖ్యలు, అంతర్గత వ్యవహారాలపై క్రమశిక్షణ కమిటీ వరుసగా నోటీసులు జారీ చేయడం కాంగ్రెస్‌లో చర్చనీయాంశంగా మారింది..
దీంతో అప్రమత్తం అయిన కాంగ్రెస్ క్రమశిక్షణ కమిటీ (Disciplinary Committee) తీవ్రంగా స్పందించింది. ముఖ్యమంత్రి ఎనుముల రేవంత్ రెడ్డి, పరకాల ఎమ్మెల్యే రేవూరి ప్రకాష్ రెడ్డిలను లక్ష్యంగా చేసుకుని మంత్రి కొండా సురేఖ కుమార్తె కొండా సుస్మిత (Konda Sushmita) బహిరంగంగా చేసిన తీవ్ర విమర్శలు, సంచలన వ్యాఖ్యలను పార్టీ నాయకత్వం తీవ్రంగా పరిగణించింది. ఈ వ్యవహారంలో మంత్రి కొండా సురేఖకు క్రమశిక్షణ కమిటీ అధికారికంగా షోకాజ్ నోటీసులు జారీ (Show cause notices) చేసింది. కుమార్తె చేసిన వ్యాఖ్యలపై మూడు రోజుల్లోగా లిఖితపూర్వకంగా సమగ్ర వివరణ ఇవ్వాలని ఆదేశించింది… క్రమశిక్షణను ఉల్లంఘించేలా ప్రభుత్వ పెద్దలపై ఇలాంటి వ్యాఖ్యలు చేయడంపై అధిష్ఠానం తీవ్ర అసంతృప్తి వ్యక్తం చేసింది. మరోవైపు, వనపర్తి జిల్లా కాంగ్రెస్ రాజకీయాల్లో స్థానిక ఎమ్మెల్యేపై అనుచిత వ్యాఖ్యలు చేసిన వ్యవహారంలో సీనియర్ నేత, మాజీ మంత్రి జి. చిన్నారెడ్డికి సైతం క్రమశిక్షణ కమిటీ (Congress Disciplinary Committee) నోటీసులు జారీ చేసింది. వనపర్తి ఎమ్మెల్యే తీరుపై బహిరంగంగా చేసిన విమర్శలకు సంబంధించి మూడు రోజుల్లో తన వివరణను సమర్పించాలని స్పష్టం చేసింది. పార్టీ లైన్ దాటి సొంత పార్టీ ప్రజాప్రతినిధులు, ప్రభుత్వ నేతలను బహిరంగ వేదికలపై విమర్శిస్తే సహించేది లేదని కమిటీ హెచ్చరించింది. ఇద్దరు సీనియర్ నేతలకు నోటీసులు జారీ కావడంతో రాష్ట్ర కాంగ్రెస్ వర్గాల్లో తీవ్ర రాజకీయ చర్చ మొదలైంది.
