పొట్టలో గ్యాస్ – అపోహలు & నిజాలు.
మనలో కొందరి పొట్ట తిప్పలు ఇన్నీ అన్నీ కావు. ఆకలిగా ఉందంటూ ఎప్పుడూ ఏదో ఒకటి తింటూనే ఉంటారు. ఏ పదార్ధం కనిపించినా అప్పటికప్పుడే లాగించేస్తుంటారు. తర్వాత గ్యాస్ సమస్యతో బాధపడుతూ ఉంటారు. మారుతున్న జీవనశైలి, ఆహారపు అలవాట్ల కారణంగా చాలా మంది ఉదర సమస్యలు ఎదుర్కొంటున్నారు. ఉదర భాగంలో గ్యాస్కు కారణమయ్యే ఆహార పదార్థాలను ఎటువంటి పరిస్థితిలోనూ తినకూడదు. పొట్టను కలుషితం చేసే వాటిని, కడుపులో మంట పుట్టించే వాటిని అస్సలు తీసుకోకూడదు. ఇలా తినడం వల్ల అజీర్తి చేస్తుంది. ఆమ్లాల ఉత్పత్తి జరిగి కడుపు ఉబ్బరం, నొప్పి వచ్చే అవకాశాలు ఉన్నాయి. నిజానికి పొట్టలో గ్యాస్ సమస్య అనేది ఇప్పుడో సాధారణ విషయంగా మారిందనాలి.
అసలు కారణాలు ఇవే..
అతిగా తినేయడం ఎప్పుడూ ప్రమాదమే. మానసిక ఒత్తిడి, దానికి కారణమయ్యే రోజువారీ జీవన శైలి కాలక్రమంలో వ్యాధుల్ని కలిగిస్తున్నాయి. ముఖ్యంగా మలబద్ధకం లేదా అతిసారానికి దారితీస్తాయి. వేళకు తినకపోవడం, రాత్రిళ్లు నిద్రలేమి, నిరంతర ఆలోచనలు.. ఇవన్నీ జీర్ణవ్యవస్థను అస్తవ్యస్తం చేస్తాయి. ఏ కారణం లేకుండానే కోపం వస్తుంటుంది. విసుగు, నిరాశ చుట్టుముడుతూ ఉంటాయి. వీటన్నింటి నుంచి బయటపడాలంటే తగిన ఆహారాన్నే తీసుకోవాలి..
అపోహ: పొట్టలో గ్యాస్ అంటే ఎప్పుడూ పెద్ద వ్యాధి.
నిజం: ఎక్కువగా ఇది ఆహార అలవాట్లు లేదా జీర్ణక్రియ సమస్యల వల్లే వస్తుంది.
····································
అపోహ: గ్యాస్ ఉన్నప్పుడు తినకపోవడం మంచిది.
నిజం: తేలికైన ఆహారం, వేడి నీళ్లు తీసుకోవడం సమస్యను తగ్గిస్తుంది.
····································
అపోహ: సోడా లేదా ఫిజ్జీ డ్రింక్స్ తాగితే గ్యాస్ తగ్గుతుంది.
నిజం: ఇవి తాత్కాలిక ఉపశమనం ఇవ్వొచ్చు కానీ తర్వాత గ్యాస్ మరింత పెరుగుతుంది.
····································
అపోహ: గ్యాస్ అంటే ఎప్పుడూ కడుపులోనే ఉంటుంది.
నిజం: గ్యాస్ కొన్నిసార్లు ఛాతి నొప్పి, డక్కులు, వాయువుల రూపంలో కూడా బయటపడుతుంది.
····································
అపోహ: పాలు, పెరుగు తింటే గ్యాస్ రావడం లేదు.
నిజం: కొందరికి లాక్టోస్ అసహనం ఉండడం వల్ల ఇవి గ్యాస్‌కి కారణం అవుతాయి.
····································
అపోహ: గ్యాస్ తగ్గించడానికి మందులు అవసరం లేదు.
నిజం: తరచుగా సమస్య ఉంటే డాక్టర్ సూచించిన మందులు ఉపయోగకరంగా ఉంటాయి.
····································
అపోహ: గ్యాస్ సమస్య ఎప్పటికీ పోదు.
నిజం: ఆహారం, వ్యాయామం, జీవనశైలి మార్పులతో పూర్తిగా నియంత్రించవచ్చు.
····································
అపోహ: కడుపు ఉబ్బరమైతే ఎప్పుడూ గ్యాస్ వల్లే.
నిజం: ఇతర జీర్ణ సమస్యలు లేదా లివర్, కిడ్నీ సమస్యల వల్ల కూడా ఉబ్బరం రావచ్చు.
····································
అపోహ: గ్యాస్ అంటే ఎప్పుడూ ప్రమాదకరం.
నిజం: సాధారణంగా ఇది హానికరం కాదు, కానీ తరచూ వస్తే వైద్య సలహా అవసరం.
····································
అపోహ: గ్యాస్ ఉన్నవారు మసాలా, పప్పులు పూర్తిగా మానేయాలి.
నిజం: మితంగా తీసుకుంటే పెద్ద సమస్య ఉండదు, ఎక్కువైతే గ్యాస్ పెరుగుతుంది.
వ్యాయామం, నిద్ర అత్యవసరాలు..
అన్నింటికంటే ప్రధానం నిత్య వ్యాయామం. ప్రత్యేకించి ప్రాణాయామం, ఇతర ఆసనాలను రోజూ చేస్తుండాలి. మత్తు పదార్థాల జోలికి అసలే పోకూడదు. శుభ్రంగా వండిన, తగినంతగా ఉడికిన ఆహారాన్నే స్వీకరించాలి. ప్రశాంతంగా ఉంటూ, సరిపడా నిద్రపోతుండాలి. ఇదంతా ఒక్క రోజులో అలవడేది కాదు. నిద్రాహారాల్లో ఒక క్రమ పద్ధతిని అలవాటు చేసుకుంటేనే వచ్చేది. ఏం తింటున్నామో, అందులో ఎటువంటి విధివిధానాలు పాటిస్తున్నామో ముందుగానే తెలిసి మసలుకుంటే చాలు. పొట్టలో గ్యాస్ బెడద నుంచి ఇట్టే బయటపడవచ్చు..
