స్క్వైర్’ సినిమాలతో యూత్‌లో మంచి ఫాలోయింగ్ తెచ్చుకున్న నటుడు సంగీత్ శోభన్. ‘ఓ చిన్న ఫ్యామిలీ స్టోరీ’ వెబ్ సిరీస్‌తో మెప్పించిన సంగీత్ శోభన్, ప్రస్తుతం వరుస సినిమాలతో బిజీ స్టార్‌గా మారాడు. సంగీత్ శోభన్ హీరోగా తెరకెక్కుతున్న లేటెస్ట్ మూవీ ‘రాకాస’. ‘కమిటీ కుర్రోళ్లు’ మూవీతో బ్లాక్ బస్టర్ అందుకుని, నేషనల్ అవార్డులు కూడా సొంతం చేసుకున్న నిహారిక కొణిదెల, పింక్ ఎలిఫెంట్ పిక్చర్స్‌పై ‘రాకాస’ చిత్రాన్ని నిర్మిస్తోంది. జీ స్టూడియోస్ సమర్పణలో తెరకెక్కుతున్న ‘రాకాస’ మూవీకి మానస శర్మ డైరెక్టర్. శరవేగంగా షూటింగ్ పూర్తి చేసుకుంటున్న ‘రాకాస’ మూవీ, ఏప్రిల్ 3న థియేటర్లలోకి రానుంది. తాజాగా ఈ మూవీ టీజర్‌ని రిలీజ్ చేసింది చిత్ర యూనిట్…
Sangeeth Shobhan New Movie,Rakasa
ఓ మారుమూల గ్రామం, అక్కడి వింత ఆచారాలు, ఓ పెద్ద భవంతి. ఆ ఊరికి ఉన్న శాపం ఏంటి? అక్కడికి అనుకోకుండా వచ్చి, ఇరుక్కుపోయిన ఎన్నారై హీరో… ‘రాకాస’ మూవీ టీజర్ చూస్తుంటే.. కామెడీ, హ్యూమర్, హర్రర్‌తో పక్కా పైసా వసూల్ సినిమాగా కనిపిస్తోంది. సంగీత్ శోభన్ మరోసారి తన కామెడీ టైమింగ్‌తో అదరగొట్టేయగా గెటప్ శ్రీను, హీరో పక్కనే ఉండే క్యారెక్టర్‌లో కనిపించబోతున్నాడు…
కొన్నేళ్లుగా హర్రర్ కామెడీ సినిమాలకు మంచి డిమాండ్ ఉంది. నిర్మాతగా మంచి సక్సెస్ అందుకున్న నిహారిక, ‘రాకాస’ మూవీపై పూర్తి కాన్ఫిడెంట్‌గా కనిపిస్తోంది. టీజర్‌లో కనిపించిన విజువల్స్, గ్రాఫిక్స్ చూస్తుంటే ‘రాకాస’ మూవీ కోసం భారీగానే ఖర్చుపెట్టినట్టు అర్థం అవుతోంది. ఈ మూవీకి అనుదీప్ దేవ్ సంగీతం అందిస్తుంటే, రాజు ఎదురోలు సినిమాటోగ్రాఫర్..
సంగీత్ శోభన్‌కి జంటగా ‘ఆయ్’, ‘క’, తాజాగా శ్రీవిష్ణుతో ‘విష్ణు విన్యాసం’ మూవీతో మరో హిట్టు కొట్టిన నయన్ సారిక హీరోయిన్‌గా నటిస్తోంది. వెన్నెల కిషోర్, బ్రహ్మాజీ, తనికెళ్ల భరణి, గెటప్ శ్రీను, ఆశిష్ విద్యార్థి, అన్నపూర్ణమ్మ, జబర్దస్త్ రోహిణి ముఖ్యపాత్రల్లో నటిస్తున్నారు.
