ఐపీఎల్ 18వ సీజన్ 9వ మ్యాచ్‌లో గుజరాత్ టైటాన్స్, ముంబై ఇండియన్స్ మధ్య మ్యాచ్ జరిగింది. ఈ మ్యాచ్‌లో ముంబై ఓటమి పాలైంది. గుజరాత్ టైటాన్స్ మ్యాచ్‌ను కైవసం చేసుకోవడంతో ముంబై జట్టుకు ఇప్పుడు పెద్ద ఎదురుదెబ్బ తగిలింది…పాయింట్ల పట్టికలో ముంబై నేరుగా 9వ స్థానానికి పడిపోయింది. రాబోయే మ్యాచ్‌లో అద్భుతంగా రాణించాల్సి ఉంటుంది. ఇక ఈ మ్యాచ్ లో ముంబై ఇండియన్స్ స్టార్ ప్లేయర్ సూర్యకుమార్ యాదవ్ కు త్రుటిలో ప్రమాదం తప్పింది.
అసలు ఏం జరిగింది?
197 పరుగుల విజయ లక్ష్యంతో బ్యాటింగ్ కు దిగిన ముంబై ఇండియన్స్ చివరకు 20 ఓవర్లలో 6 వికెట్ల నష్టానికి 160 పరుగులు మాత్రమే చేయగలిగింది. బలమైన ఆటగాళ్లు ఉన్నప్పటికీ, ముంబై గెలవలేకపోయింది. ఈ మ్యాచ్ రెండో ఇన్నింగ్స్‌లో, బ్యాటింగ్ చేస్తుండగా సూర్యకుమార్ యాదవ్ హెల్మెట్‌కు బంతి తగిలింది. ఫలితంగా, సూర్యకుమార్ నేలపై కుప్పకూలిపోయాడు. సూర్య నేలపై పడి ఉండటం చూసి ప్రేక్షకులు కూడా షాక్ అయ్యారు. కాబట్టి ఆటగాళ్లందరూ సూర్యుని వైపు పరిగెత్తుకుంటూ వచ్చారు. 14వ ఓవర్లో ఏం జరిగింది?
