భారత్ విజయంలో కీలక పాత్ర వీరిదే..
భారత్ నిర్దేశించిన 372 పరుగుల లక్ష్య ఛేదనలో శ్రీలంక దారుణంగా విఫలమైంది. భారత స్పిన్నర్ల దెబ్బకు ఆ జట్టు సొంతగడ్డపై పూర్తిగా చేతులెత్తేసింది..
అయితే శ్రీలంక కెప్టెన్ ధనంజయ డి సిల్వా మాత్రం మ్యాచ్ ఫలితాన్ని ప్రభావితం చేసిన భారత బ్యాటర్లుగా కేఎల్ రాహుల్, దేవదత్ పడిక్కల్‌ను ప్రత్యేకంగా ప్రస్తావించాడు. భారత తొలి ఇన్నింగ్స్‌లో భారీ స్కోరు సాధించడం తమపై తీవ్ర ఒత్తిడి పెంచిందని పేర్కొన్నాడు.
పడిక్కల్ భారీ శతకం..
రాహుల్ కీలక ఇన్నింగ్స్.
టాస్ గెలిచి తొలుత బ్యాటింగ్ చేసిన భారత్ తొలి ఇన్నింగ్స్‌లో 462 పరుగులు చేసింది. దేవదత్ పడిక్కల్ అద్భుతంగా బ్యాటింగ్ చేసి 167 పరుగులతో భారీ శతకం సాధించగా.. కేఎల్ రాహుల్ 82 పరుగులతో కీలక సహకారం అందించాడు. ధ్రువ్ జురెల్ కూడా 51 పరుగులు చేశాడు
పడిక్కల్-రాహుల్ భాగస్వామ్యం శ్రీలంక బౌలర్లపై ఒత్తిడిని పెంచిందని ధనంజయ అభిప్రాయపడినట్లు కథనం పేర్కొంది. ముఖ్యంగా పడిక్కల్ 167 పరుగులతో ఇన్నింగ్స్‌ను భారీ స్కోరుగా మలచడం భారత్‌కు బలమైన పునాది వేసింది. పడిక్కల్‌కు ఈ ప్రదర్శనకు ప్లేయర్ ఆఫ్ ద మ్యాచ్ అవార్డు కూడా దక్కింది..
సుతార్ స్పిన్ మ్యాజిక్.. 10 వికెట్లతో చరిత్ర
భారత్ నిర్దేశించిన 372 పరుగుల లక్ష్యాన్ని ఛేదించేందుకు బరిలోకి దిగిన శ్రీలంక.. 206 పరుగులకే కుప్పకూలింది. రెండో ఇన్నింగ్స్‌లో 6/55తో సుతార్ శ్రీలంక బ్యాటింగ్‌ను దెబ్బతీశాడు. తొలి ఇన్నింగ్స్‌లో నాలుగు వికెట్లు తీసిన సుతార్.. మ్యాచ్‌లో మొత్తం 10 వికెట్లు సాధించాడు.
దీంతో భారత్ రెండు టెస్టుల సిరీస్‌లో 1-0 ఆధిక్యంలోకి వెళ్లింది.
ఈ విజయం ప్రత్యేకం..
ఈ మ్యాచ్ అనంతరం తమ విజయంపై స్పందించిన శుభ్‌మన్ గిల్.. వర్షం ప్రభావం ఉండటంతో గెలుపు విషయంలో కాస్త కంగారు పడ్డానని తెలిపాడు. ‘భారత్‌కు ఇది 600వ టెస్ట్ మ్యాచ్. ఈ గెలుపు ఎంతో ప్రత్యేకమైనది. మాకు ఎంతో సంతృప్తినిచ్చిన విజయం. ఈ గెలుపు విషయంలో మేం చాలా సౌకర్యవంతంగా ఉన్నామని భావించాను. కానీ వాతావరణం కారణంగా ఆఖరి రోజు ఆట సాగుతుందో లేదోనని కంగారు పడ్డాను. దాంతో కాస్త ఒత్తిడికి గురయ్యాం. కానీ జట్టు అద్భుతంగా డీల్ చేసింది.
