Tata Electronics :టాటా ఎలక్ట్రానిక్స్‌పై ‘వరల్డ్ లీక్స్’ అనే రాన్సమ్‌వేర్ ముఠా సైబర్ దాడి..
భారతీయ తయారీ దిగ్గజం టాటా ఎలక్ట్రానిక్స్‌పైTata Technologies ‘వరల్డ్ లీక్స్’ అనే రాన్సమ్‌వేర్ ముఠా సైబర్ దాడికి పాల్పడింది. డార్క్ వెబ్‌లో ఆపిల్ ఐఫోన్ క్వాలిటీ స్టాండర్డ్స్, టెస్లా కొత్త మోడల్ కార్ల డిజైన్లతో కూడిన 2 లక్షల రహస్య ఫైళ్లను లీక్ చేసింది. హ్యాకర్లు డబ్బు డిమాండ్ చేయగా, ఆపిల్ దీనిపై దర్యాప్తు ప్రారంభించింది. ఈ ఘటన భారత్ సప్లై చైన్ భద్రతను ప్రశ్నిస్తోంది.
పిల్ కంపెనీ చైనాకు ప్రత్యామ్నాయంగా భారత్‌ను తన గ్లోబల్ మాన్యుఫ్యాక్చరింగ్ హబ్‌గా మార్చుకోవాలని చూస్తున్న వేళ, సరిగ్గా అక్కడే ఒక పెద్ద ఊహించని దెబ్బ తగిలింది. దేశీయ దిగ్గజం టాటా ఎలక్ట్రానిక్స్ సిస్టమ్స్‌లోకి సైబర్ నేరగాళ్లు చొరబడ్డారు. కేవలం చొరబడటమే కాదు, యాపిల్ ఐఫోన్లు, టెస్లా ఎలక్ట్రిక్ కార్లకు సంబంధించిన అత్యంత కీలకమైన, బిలియన్ డాలర్ల విలువైన ట్రేడ్ సీక్రెట్స్ (వ్యాపార రహస్యాలు) దొంగిలించామని క్లెయిమ్ చేస్తున్నారు. భారత ఎలక్ట్రానిక్స్ రంగాన్ని ప్రపంచ స్థాయికి తీసుకెళ్లాలనే ప్రధాని మోదీ ఆశయాలకు, అలాగే యాపిల్ నమ్మకానికి ఈ ఘటన ఒక పెద్ద పరీక్షగా మారింది.
డార్క్ వెబ్‌లో 2 లక్షల ఫైళ్లు
ఈ దాడి వెనుక ‘వరల్డ్ లీక్స్’ అనే ప్రమాదకరమైన రాన్సమ్‌వేర్ ముఠా ఉన్నట్లు సైబర్ సెక్యూరిటీ పరిశోధకులు గుర్తించారు. దాదాపు 630 గిగాబైట్ల (GB) సైజున్న 2 లక్షలకు పైగా ఫైళ్లను వారు డార్క్ వెబ్‌లో అప్‌లోడ్ చేశారు. ఇందులో కేవలం ఉద్యోగుల పాస్‌పోర్ట్ కాపీలు, ఈమెయిల్స్ మాత్రమే లేవు; ఐఫోన్ సర్క్యూట్ బోర్డ్ క్వాలిటీ స్టాండర్డ్స్‌కు సంబంధించిన 52 పేజీల రహస్య డాక్యుమెంట్ కూడా ఉంది. దీనిపై “యాపిల్ కంపెనీకి చెందిన అత్యంత రహస్యమైన సమాచారం” అనే అధికారిక ముద్రలు స్పష్టంగా కనిపిస్తున్నాయి.తమిళనాడులోని హోసూరులో ఉన్న టాటా ఐఫోన్ విడిభాగాల ప్లాంట్‌కు సంబంధించిన ఫైళ్లు కూడా ఈ లీకేజీలో బయటపడ్డాయి. ప్రస్తుతం భారతదేశంలో తయారవుతున్న యాపిల్ ఐఫోన్లలో మూడో వంతు టాటా ప్లాంట్ల నుంచే వస్తున్నాయి. మిగిలిన భాగాన్ని ఫాక్స్‌కాన్ తయారు చేస్తోంది. ఇలాంటి కీలక సమయంలో ఈ లీక్ కావడం యాపిల్ సరఫరా గొలుసు (Supply Chain) భద్రతపై ప్రశ్నలు లేవనెత్తుతోంది.
