వక్ఫ్ చట్టానికి వ్యతిరేకంగా హింస.. హిందువుల ఇళ్లు, దుకాణాలే టార్గెట్..!. హిందువులు ఇల్లు వదిలి పారిపోతున్న దృశ్యాలు సోషల్ మీడియాలో వైరల్…
ముర్షీదాబాద్‌ జిల్లాలో ముగ్గురి మృతి
రాష్ట్రంలో వక్ఫ్ చట్టాన్ని అమలు చేయం: మమత.
పశ్చిమ బెంగాల్‌లోని ముర్షిదాబాద్ నగరం మళ్లీ వార్తల్లో నిలిచింది. ఈసారి ముర్షిదాబాద్‌లో వక్ఫ్ చట్టం పేరుతో భారీ హింస జరిగింది. ఆందోళనకారులు రైళ్లను నిలిపివేశారు….
స్థానికులు తమ ప్రాణాలు రక్షించుకోవడానికి నదిని దాటి మాల్దా జిల్లాలోకి బోట్లలో పారిపోయే దృశ్యాలు బయటకు వచ్చాయి.
హింస మొదలైనది శుక్రవారం ప్రార్థనల అనంతరం. రెండు రోజుల పాటు తీవ్ర అశాంతి కొనసాగింది. పోలీసులు ఇప్పటివరకు 150 మందిని అరెస్ట్ చేశారు. మరోవైపు కలకత్తా హైకోర్టు పరిస్థితిని గమనించి పరామిలిటరీ దళాలను ముర్షిదాబాద్‌లోని అత్యంత సున్నిత ప్రాంతాల్లో మోహరించింది.
పోలీసుల ప్రకారం మృతుల సంఖ్య ముగ్గురికి చేరింది. ఇందులో ఇద్దరు.. హర్గోబింద్ దాస్, చందన్ దాస్ అనే తండ్రి-కొడుకులను రౌడీ మూకలు నరికివేశాయి. మరో వ్యక్తి పోలీసుల కాల్పుల్లో గాయపడి మృతిచెందాడు. పోలీసులపై రాళ్లు, పెట్రోల్ బాంబులతో దాడులు కూడా జరిగాయి. 18 మంది పోలీసు సిబ్బంది గాయపడ్డారు.
ముర్షిదాబాద్, సూతి, ధులియన్, షంషేర్‌గంజ్ వంటి ప్రాంతాల్లో ఎమర్జెన్సీ పరిస్థితి కొనసాగుతోంది. పోలీసు గస్తీలు, వాహన తనిఖీలు నిర్వహిస్తున్నారు. అపోహలు, ఫేక్ న్యూస్ వ్యాప్తిని నివారించేందుకు ఇంటర్నెట్ సేవలను నిలిపివేశారు. స్థానిక ప్రజలు పోలీసు సాయం లేకుండా బలహీనంగా ఉన్నారని ఆరోపిస్తున్నారు. ఈ నేపథ్యంలో కేంద్ర హోం మంత్రి అమిత్ షాకు బీజేపీ ఎంపీ జ్యోతిర్మయ్ సింగ్ మహతో లేఖ రాసి ముర్షిదాబాద్, మాల్దా, నాదియా, దక్షిణ 24 పర్ణాల ప్రాంతాల్లో AFSPA అమలును కోరారు. బీజేపీ మృతుల కోసం ‘షహీద్ దివాస్’గా పాటించనున్నది. వారు అధికారంలోకి వస్తే మృతుల విగ్రహాలను ఏర్పాటు చేస్తామని ప్రకటించారు.
