రాష్ట్రంలో కన్వీనర్ కోటా ఇంజనీరింగ్ సీట్ల భర్తీకి షెడ్యూల్ విడుదలైన విషయం తెలిసిందే. కానీ తెలంగాణ ఈఏపీసెట్‌ వెబ్ ఆప్షన్ల నమోదు ప్రక్రియ మరోసారి ఆలస్యం అవుతోంది. షెడ్యూల్ ప్రకారం ఆదివారం ఉదయం 10 గంటలకు ప్రారంభం కావాల్సి ఉండగా సాయంత్రం 4 గంటలకు మార్పు చేశారు. తాజాగా మరోసారి వెబ్ ఆప్షన్ల నమోదు ప్రక్రియను మార్పు చేసినట్లు అధికారవర్గాలు తెలిపాయి. సాయంత్రం 6 గంటల నుంచి నమోదు చేసుకునే అవకాశాన్ని కల్పిస్తున్నట్లు పేర్కొన్నాయి. వెబ్ ఆప్షన్లకు ఈ నెల 6 నుంచి 10 వరకు అవకాశం ఇచ్చారు. ఈ నెల 14, 15 తేదీల్లో తొలి విడత మాక్‌ సీట్ల కేటాయింపు ప్రక్రియ ఉంటుంది. ఈ నెల 18లోపు మొదటి విడత సీట్లు కేటాయిస్తారు.
TELANGANA EAPCET WEB OPTIONS.
రెండో విడత : ఈ నెల 25న రెండో ఫేజ్ స్లాట్ బుక్కింగ్ కి అవకాశం కల్పించి 26న సర్టిఫికెట్ వెరిఫికేషన్, 26,27 తేదీల్లో వెబ్ ఆప్షన్లు స్వీకరించనున్నారు. ఈ నెల 30వ తేదీలోపు సెకండ్ ఫేజ్ సీట్ల కేటాయింపు చేయనున్నారు. రెండో విడత కౌన్సిలింగ్ తరువాత స్టూడెంట్స్ ఈ నెల 31 నుంచి వచ్చే నెల 2వ తేదీల్లోపు తమకు కేటాయించిన కాలేజీల్లో వ్యక్తిగతంగా రిపోర్టు చేయాల్సి ఉంటుంది. అన్ని కాలేజీల నుంచి స్టూడెంట్స్ జాయినింగ్ సమాచారం తీసుకుని మిగతా సీట్లకు వచ్చే నెల 5 నుంచి స్లాట్ బుక్కింగ్ చేపట్టనున్నట్టు టీజీఈఏపీసెట్ అడ్మిషన్స్ కమిటీ ప్రకటించింది.
మూడో విడత : వచ్చే నెల 5న మూడో విడత కౌన్సిలింగ్ స్లాట్ బుక్కింగ్ కి అవకాశం ఇచ్చి 6న సర్టిఫికెట్ వెరిఫికేషన్, 6,7 తేదీల్లో వెబ్ ఆప్షన్లు స్వీకరిస్తారు. వచ్చే నెల 10వ తేదీలోపు ఫైనల్ ఫేజ్ సీట్ల కేటాయింపు పూర్తి చేస్తారు. 3 విడతల కౌన్సిలింగ్ పూర్తైన తరువాత ఇంటర్నల్ స్లైడింగ్కి అవకాశం కల్పించనున్నట్టు అడ్మిషన్స్ కమిటీ పేర్కొంది. ఇంటర్నల్ స్లైడింగ్కి ఆగస్టు 18,19 తేదీల్లో ఆప్షన్లను తీసుకుని ఆగస్టు 22వ తేదీలోపు సీట్లకేటాయింపును పూర్తి చేయనుంది..
