ఆంధ్ర రాష్ట్రంలో మంత్రి కన్నీళ్లు పెట్టుకోవటం.. ముఖ్యమంత్రి చంద్రబాబు ఓదార్పు కీలకంగా మారింది. కేబినెట్ భేటీలో పలు కీలక అంశాల పైన చర్చ జరిగింది…కొత్త జిల్లాల ఏర్పాటు పైన చర్చకు వచ్చిన సమయంలో ఈ పరిణామం చోటు చేసుకుంది. ప్రజాభిప్రాయం మేరకు కొత్త జిల్లాలకు తుది రూపం ఇచ్చే అంశం పైన మంత్రివర్గ భేటీలో చర్చించారు. కాగా, మరి కొన్ని ప్రధాన నిర్ణయాలకు కేబినెట్ ఆమోద ముద్ర వేసింది.
ఏపీ మంత్రివర్గ సమావేశంలో జిల్లాల పునర్విభజనకు మంత్రివర్గం ఆమోద ముద్ర వేసింది. జిల్లాల పునర్విభజన పైన ప్రభుత్వం జారీ చేసిన గజెట్ పైన ప్రజల నుంచి పలు వినతులు వచ్చాయి. ప్రజాభిప్రాయాలకు అనుగుణంగా జిల్లాలు.. మండలాల్లో మార్పులు ఉండాలని ప్రభుత్వం నిర్ణయించింది. ఈ మేరకు మంత్రివర్గ భేటీలో జరిగిన చర్చలో తొలుత ప్రతిపాదించిన
కొత్త జిల్లాలు.. మండలాలలో మార్పులు చేయాలనే చర్చ జరిగింది. ఈ సమయంలో మంత్రి రాం ప్రసాద్ రెడ్డి ఒకింత ఎమోషనల్ అయ్యారు. కొత్తగా ఏర్పాటు చేస్తున్న అన్నమయ్య జిల్లా.. తన సొంత నియోజకవర్గం రాయచోటి గురించి మంత్రి తన అభిప్రాయం వ్యక్తం చేసారు. కాగా.. సీఎం చంద్రబాబు జోక్యం చేసుకొని తాను రాయచోటి అభివృద్ధి చూస్తానని హామీ ఇచ్చారు..మంత్రి రాం ప్రసాద్ రెడ్డిని ఓదార్చారు. కొత్త జిల్లాలకు మంత్రివర్గం ఆమోద ముద్ర వేయటంతో ఈ నెల 30న తుది నోటిఫికేషన్ జారీ చేసే అవకాశం కనిపిస్తోంది. ఇక.. ఈ కేబినెట్ భేటీలో ఋషి కొండ భవనాల పైన చర్చకు వచ్చినట్లు సమాచారం. అదే విధంగా ఏలూరు జిల్లా నూజివీడు టౌన్‌లో ఇండియన్ ఇన్సిట్యూట్ ఆఫ్ ప్లాంటేషన్ మెనేజ్మెంట్ కోసం 9.96 ఎకరాలు భూమిని డైరెక్టర్, హర్టీకల్చర్, సెరికల్చర్ డిపార్మెంట్‌కు 33 ఏళ్లకు లీజు ప్రాతిపదికన బదిలీ చేస్తూ తీసుకున్న నిర్ణయానికి మంత్రిమండలిలో ఆమోదం తెలిపినట్లు సమాచారం.
వేదాంతా లిమిటెడ్‌కు 9.88 ఎకరాలు భూమిని డాక్టర్ బీఆర్ అంబేద్కర్ కోనసీమజిల్లాలో ఆఫ్ షోర్ డ్రిల్లింగ్ యాక్టివీటీ కోసం మూడేళ్ల పాటు లీజుకు కేటాయిస్తూ ఈరోజు కేబినెట్‌లో నిర్ణయం తీసుకున్నట్లు తెలుస్తోంది. 37 ఎకరాలు ప్రభుత్వ భూమిని తిరుపతి రూరల్ మండలం దామినేడు గ్రామంలో స్పోర్ట్స్ అథారిటీ ఆఫ్ ఆంధ్రప్రదేశ్‌కు స్పోర్ట్స్ సిటీ నిర్మాణం కోసం ఉచితంగా అందిస్తూ ఉత్తర్వులు ఇవ్వనున్నారు..
భవిష్యత్తు అవసరాలు, సాంకేతిక అంశాల ప్రాతిపదికన ఉంటాయని వివరించారు. జిల్లా కేంద్రం మార్పు విషయంలో ఉన్న చిక్కులను సీఎం ఈ సందర్భంగా వివరించారు. జిల్లాలోని అన్ని ప్రాంతాలకు అందుబాటులో ఉండేలా కేంద్రం ఉండాలని, ప్రస్తుత ఏర్పాటులో కొన్ని సాంకేతిక, పరిపాలనాపరమైన ఇబ్బందులు ఉన్నాయని సీఎం పేర్కొన్నారు. జిల్లా కేంద్రం ఎక్కడ ఉన్నా, రాయచోటి అభివృద్ధికి ప్రభుత్వం కట్టుబడి ఉంటుందని చంద్రబాబు స్పష్టం చేశారు. రాయచోటిని ఒక మోడల్ టౌన్‌గా తీర్చిదిద్దుతామని, ప్రత్యేక నిధులు కేటాయిస్తామని హామీ ఇచ్చారు..
