చైనా అణ్వాయుధ కార్యక్రమం గురించి సమాచారాన్ని అమెరికాకు లీక్ చేశాడని, రక్షణ మంత్రిగా ఒక అధికారికి పదోన్నతి కల్పించడం వంటి అధికారిక చర్యల కోసం లంచాలు తీసుకున్నాడని ఆ దేశ సీనియర్ జనరల్ ఆరోపణలు ఎదుర్కొంటున్నారని ఈ ఆరోపణలపై ఉన్నత స్థాయి బ్రీఫింగ్ గురించి తెలిసిన వ్యక్తులు తెలిపారు..
సైనిక కమిటీలో కీలక పదవిలో ఉన్న జనరల్ జాంగ్ యూష్య, ప్రస్తుతం తీవ్రమైన విచారణను ఎదుర్కొంటున్నారు. దేశ ద్రోహం, అవినీతి మరియు అధికార దుర్వినియోగం వంటి ఆరోపణలు ఆయనపై మోపబడ్డాయి.
ది వాల్ స్ట్రీట్ జర్నల్’ ఈ వార్తను ప్రముఖంగా ప్రచురించింది.
ఏమిటా ఆరోపణలు?
అణు రహస్యాల లీక్: చైనా యొక్క అణు ఆయుధ తయారీ సాంకేతికత మరియు వ్యూహాత్మక డేటాను అమెరికా నిఘా సంస్థలకు చేరవేశారన్నది ప్రధాన ఆరోపణ.
అవినీతి మరియు లంచాలు: సైనిక కొనుగోలు విభాగంలో పర్యవేక్షకుడిగా ఉన్న సమయంలో, అధికారుల పదోన్నతుల కోసం భారీగా లంచాలు తీసుకున్నట్లు గుర్తించారు. మాజీ రక్షణ మంత్రి పదోన్నతి వెనుక కూడా ఈయన హస్తం ఉన్నట్లు తెలుస్తోంది.
రాజకీయ గ్రూపుల ఏర్పాటు: కమ్యూనిస్ట్ పార్టీలో షీ జిన్‌పింగ్‌కు వ్యతిరేకంగా ఒక ప్రత్యేక రాజకీయ ముఠాను తయారు చేసేందుకు ప్రయత్నించినట్లు సమాచారం.
విచారణ ఎలా మొదలైంది?
చైనా నేషనల్ న్యూక్లియర్ కార్పొరేషన్ మాజీ జనరల్ మేనేజర్ గు జూన్పై జరిగిన విచారణలో జాంగ్ యూష్యకు సంబంధించిన కీలక ఆధారాలు దొరికాయి. సైనిక మరియు పౌర అణు ప్రాజెక్టులను పర్యవేక్షించే గు జూన్, పార్టీ నిబంధనలను ఉల్లంఘించినట్లు తేలడంతో ఆయనను విచారించగా, ఈ పెద్ద కుట్ర బయటపడింది.
చైనా ప్రభుత్వం స్పందన:
చైనా జాతీయ రక్షణ మంత్రిత్వ శాఖ ఈ విచారణను ధృవీకరించింది. అవినీతి విషయంలో కమ్యూనిస్ట్ పార్టీ “శూన్య సహనం” (Zero Tolerance) పాటిస్తుందని, ఎవరినీ ఉపేక్షించే ప్రసక్తి లేదని చైనా రాయబార కార్యాలయ ప్రతినిధి లీయు పెంగ్యు స్పష్టం చేశారు.
