దుర్వాసన చెందిన మాంసం..హోల్ సేల్ పేరిట పలు హోటల్స్, పెళ్లిళ్లు శుభకార్యాలకు సప్లై చేస్తున్న వ్యక్తీ…!

పలు మటన్ దుకాణాల పై సౌత్ జోన్ టాస్క్‌ఫోర్స్ పోలీసుల దాడులు

హైదరాబాద్ – మంగళహాట్ పోలీస్టేషన్ పరిధిలో ఏ టు జెడ్ మేకల,గొర్రె మాంసం దుకాణంలో అక్రమంగా నిల్వవుంచిన మాంసం

అధిక మాంసం నిల్వవుంచడంతో దుర్వాసన చెందిన మాంసం.. హోల్ సేల్ పేరిట పలు హోటల్స్, పెళ్లిళ్లు శుభకార్యాలకు సప్లై చేస్తున్న మొహమ్మద్ ఆఫ్రోజ్ అనే వ్యక్తి…

మొహమ్మద్ ఆఫ్రోజ్ ను అదుపులోకి తీసుకున్న టాస్క్‌ఫోర్స్ పోలీసులు

8లక్షల విలువైన 12 కింటాల మాంసం స్వాధీనం చేసుకున్న పోలీసులు

అక్రమంగా నిల్వవుంచిన పాయ, బేజా, తలకాయ, లివర్, కిడ్నీ లాంటి పలు అవయవాలను స్వాధీనం చేసుకున్న పోలీసులు..

ఈ దాడుల్లో పోలీసులు రూ. 8 లక్షల విలువైన 12 క్వింటాళ్ల మాంసాన్ని స్వాధీనం చేసుకున్నారు. అక్రమంగా నిల్వ ఉంచిన వాటిలో పాయ, బేజా, తలకాయ, లివర్, కిడ్నీ వంటి మాంసం అవయవాలు కూడా ఉన్నాయి. పోలీసులు తెలిపిన వివరాల ప్రకారం.. మంగళహాట్ పరిసరాల్లో ఉన్న ఏ 2 జెడ్ మేకల, గొర్రె మాంసం దుకాణాలు అనుమతులు లేకుండా మాంసం నిల్వ ఉంచడానికి ప్రయత్నిస్తున్నట్లు సమాచారం రాగానే పోలీసులు ఆ ప్రదేశానికి వెళ్లారు. ఈ మాంసం దుకాణాల నుంచి నిషేధిత పదార్థాలను నిల్వ చేస్తున్నట్లు గుర్తించినట్లు పోలీసులు తెలిపారు. వీటిని హోల్‌సేల్ వ్యాపారం ద్వారా వివిధ హోటళ్లకు, పెళ్లిళ్ల కార్యక్రమాలకు సరఫరా చేస్తున్నట్లు పోలీసులు తెలిపారు….అక్రమంగా నిల్వ ఉంచిన మాంసం రీఫ్రిజరేటర్స్‌లో నిల్వ ఉంచుతున్నారు. చాలా కాలం వరకు వాటిని అందులో ఉంచుతుండగా.. అవి నెమ్మదిగా పాడవుతున్నాయి. దీంతో చుట్టుపక్కల పరిసరాల్లో దుర్వాసన వెదజల్లుతోంది. అయితే ఈ కుల్లిన మాంసాన్ని హోల్ సేల్ ధరలకు దుకాణాలకు అమ్ముతున్నారు. ప్రజలు వీటిని కొనుగోలు చేసి.. తమ ఆరోగ్యాలను పాడు చేసుకుంటున్నారు..

హోటల్, శుభకార్యాల కోసం సరఫరా.!

అతడు చాలా రోజుల నుంచి మాంసం నిల్వ చేసి వాటిని హోటల్, శుభకార్యాల కోసం సరఫరా చేస్తూ అనేక హానికరమైన మాంసాన్ని మార్కెట్లోకి విడుదల చేస్తున్నట్లు పోలీసులు వెల్లడించారు. పోలీసులు ఆఫ్రోజ్‌ను అదుపులోకి తీసుకొని.. విచారణ చేపడుతున్నారు..

అధికారుల హెచ్చరికలు..!

దాడి పై టాస్క్‌ఫోర్స్ పోలీసులు హెచ్చరికలు జారీ చేశారు. అక్రమ వ్యాపారం నిర్వహిస్తున్న ప్రతి వ్యక్తిని కఠినంగా శిక్షిస్తామన్నారు. ఈ వ్యవహారంలో ఎలాంటి కాంప్రమైజ్ లేకుండా పటిష్టమైన చర్యలు తీసుకుంటామన్నారు. మార్కెట్లో ప్రజలకు హానికరమైన మాంసం అమ్మే వారిని ఉపేక్షించేది లేదన్నారు. ఇలాంటి అక్రమ వ్యాపారాలపై ఎప్పటికప్పుడు నిరంతరం గమనించి.. ప్రజల ఆరోగ్యాన్ని కాపాడేందుకు చర్యలు తీసుకుంటామని తెలిపారు. పోలీసుల దర్యాప్తు ఇంకా కొనసాగుతుంది. దుకాణాల నుండి మాంసం కొనుగోలు చేయడానికి ముందు.. మాంసం ఎక్కడ నుంచి వచ్చింది..? అది సరైన ప్రమాణాలతో ఉన్నదా లేదా అనేది తెలుసుకోవడం మంచిదని పోలీసులు సూచిస్తున్నారు.