ప్రస్తుతం ఆల్ టైమ్ హైలో ఉన్న బంగారం ధరలు భవిష్యత్తులో ఎక్కడికి చేరుకుంటాయనే ఆసక్తి అందరిలోనూ నెలకొంది. తాజాగా నిపుణుల అంచనాల ప్రకారం.. 2050 నాటికి బంగారం ధరలు ఊహించని స్థాయికి చేరనున్నాయి.. విష్యత్తులో బంగారం ధర ఔన్సుకు 10,000 డాలర్ల నుండి 20,000 డాలర్ల వరకు పెరిగే అవకాశం ఉంది. ఈ లెక్కన భారతీయ మార్కెట్లో ధరలను అంచనా వేస్తే..
10శాతం వృద్ధి రేటు ఉంటే: 24 క్యారెట్ల 10 గ్రాముల బంగారం ధర సుమారు రూ. 14 లక్షల నుండి రూ. 15 లక్షల వరకు ఉంటుంది.
12శాతం వృద్ధి రేటు ఉంటే: ధర ఏకంగా రూ. 21 లక్షల నుండి రూ. 22 లక్షల మార్కును చేరుకోవచ్చు.
లక్ష రూపాయల పెట్టుబడి.. 25 ఏళ్ల తర్వాత ఎంతవుతుంది?.
మీరు ఇప్పుడు ఒక లక్ష రూపాయలను బంగారంపై పెట్టుబడి పెడితే 2050 నాటికి దాని విలువ..
10శాతం వృద్ధి రేటుతో రూ. 9.85 లక్షలు అవుతుంది.
12శాతం వృద్ధి రేటుతో రూ. 12 నుండి 15 లక్షలశాతం వరకు పెరిగే అవకాశం ఉంది.
అదే ఒక లక్ష రూపాయలను బ్యాంకులో ఫిక్స్‌డ్ డిపాజిట్ చేస్తే, అది 2050 నాటికి గరిష్టంగా రూ. 4 లక్షల నుండి 5 లక్షల వరకు మాత్రమే పెరుగుతుంది. అంటే దీర్ఘకాలంలో బ్యాంక్ డిపాజిట్ల కంటే బంగారంపై రాబడి దాదాపు రెట్టింపు ఉండే అవకాశం ఉందని ఈ లెక్కలు చెబుతున్నాయి.
ధరలు పెరగడానికి ప్రధాన కారణాలు..
కేంద్ర బ్యాంకుల కొనుగోళ్లు: భారత్, చైనా, రష్యా వంటి దేశాలు భారీగా బంగారాన్ని నిల్వ చేస్తున్నాయి.
డాలర్ బలహీనత: అంతర్జాతీయ మార్కెట్లో డాలర్ విలువ తగ్గితే బంగారం ధర పెరుగుతుంది.
టెక్నాలజీ డిమాండ్: గ్రీన్ ఎనర్జీ, ఎలక్ట్రానిక్ రంగాల్లో బంగారం వినియోగం పెరుగుతోంది.
గతాన్ని బట్టి చూస్తే బంగారంలో పెట్టుబడి లాభదాయకమే అయినప్పటికీ మార్కెట్ రిస్క్‌లు ఎప్పుడూ ఉంటాయి. కాబట్టి పెట్టుబడి పెట్టేముందు నిపుణుల సలహా తీసుకోవడం, మొత్తం డబ్బును ఒకే చోట కాకుండా విభిన్న మార్గాల్లో పెట్టుబాడీ పెట్టడం మంచిది..
గమనిక.. మీ ప్రాంతాల్లో A TO Z వార్తలు ఏదైనా..మాకు సమాచారం అందించండి.
వాట్సాప్..+91 91330 57959
