మంచు కరిగి హిమాచల్‌ప్రదేశ్‌లో వరదలు.
లాహౌల్ లోయలో దెబ్బతిన్న మనాలి-లేహ్ రహదారి.
ఉదయ్‌పూర్, మాయర్ లోయలకు తెగిపోయిన రవాణా సౌకర్యం.
దెబ్బతిన్న అనేక వంతెనలు, ధ్వంసమైన రోడ్లు
తాత్కాలిక ఇనుప వంతెనలు ఏర్పాటు చేసుకుంటున్న ప్రజలు.
ఢిల్లీ-ఎన్‌సిఆర్‌లో మారనున్న వాతావరణం
జాతీయ రాజధాని ప్రాంతంలో గత కొన్ని రోజులుగా వేధిస్తున్న తీవ్రమైన వేడి, తేమ నుండి ప్రజలకు ఉపశమనం లభించనుంది. జూన్ 30న ఆకాశం మేఘావృతమై కొన్ని ప్రాంతాల్లో ఉరుములతో కూడిన తేలికపాటి నుండి మోస్తరు వర్షాలు కురుస్తాయి. జూలై 1 నుండి జూలై 4 మధ్య వర్షాలు మరింత విస్తృతంగా కురిసే అవకాశం ఉండటంతో, గరిష్ట ఉష్ణోగ్రతలు 5°C నుండి 6°C వరకు తగ్గుతాయి. అయితే, వాతావరణంలో పూర్తి మార్పు వచ్చే వరకు జూన్ 30 వరకు కొన్ని చోట్ల వడగాడ్పుల ప్రభావం ఉండవచ్చని వాతావరణ శాఖ పేర్కొంది..
రుతుపవనాలకు తోడు అల్పపీడనాలు
అయితే, ఈ రుతుపవనాల పునరుద్ధరణ కేవలం రుతుపవన ద్రోణి వల్ల మాత్రమే జరగడం లేదు. ఈ వారంలో బంగాళాఖాతంలో వరుసగా రెండు అల్పపీడన ప్రాంతాలు ఏర్పడి, మధ్య భారతదేశం గుండా భూభాగంలోకి కదలనున్నాయి. ఈ వ్యవస్థలు వాతావరణంలోకి భారీ మొత్తంలో తేమను పంపి, రుతుపవన ప్రసరణను మరింత బలపరుస్తాయి. దీనివల్ల తూర్పు, మధ్య మరియు పశ్చిమ భారతదేశం అంతటా వర్షపాతం గణనీయంగా పెరుగుతుంది.
మత్స్యకారులకు కీలక సూచన
అరేబియా సముద్రం, బంగాళాఖాతంలోని కొన్ని ప్రాంతాలలో బలమైన గాలులు వీచే అవకాశం ఉందని ఐఎమ్‌డి హెచ్చరించింది. అలాగే జూలై 3 వరకు సముద్రంలోకి వెళ్లవద్దని మత్స్యకారులకు సూచించింది. ఈ హెచ్చరిక కొంకణ్-గోవా, కేరళ, కర్ణాటక, లక్షద్వీప్, అండమాన్ సముద్రం, బంగాళాఖాతంలోని పలు ప్రాంతాల తీరప్రాంతాలను వర్తిస్తుంది. రుతుపవనాల విస్తరణతో ముందస్తు జాగ్రత్తల హెచ్చరిక జారీ చేసింది ఐఎండీ. భారీ వర్షాల కారణంగా పలు ప్రాంతాల్లో నీరు నిలిచిపోయే అవకాశం ఉన్నందున, ప్రజలు అనవసర ప్రయాణాలను వాయిదా వేసుకోవాలని, అధికారిక వాతావరణ బులెటిన్లను క్రమం తప్పకుండా అనుసరించాలని వాతావరణ శాఖ విజ్ఞప్తి చేసింది.
