నేపాల్‌లోని మౌంట్‌ ఎవరెస్ట్ ప్రాంతంలో మంగళవారం ఉదయం ఘోర ప్రమాదం చోటుచేసుకుంది. సోలుఖుంబు జిల్లాలోని ఫెరిచే హెలిప్యాడ్‌ వద్ద ల్యాండింగ్‌కు ప్రయత్నిస్తున్న రెండు హెలికాప్టర్లు పరస్పరం ఢీకొన్నాయి. ఈ ఘటనలో భారతీయ ప్రయాణికుడు ప్రాణాలు కోల్పోగా.. మరో ముగ్గురు గాయపడ్డారు. గాయపడిన వారిలో రెండు హెలికాప్టర్ల పైలట్లు కూడా ఉన్నట్లు నేపాల్ పోలీసులు వెల్లడించారు….మౌంట్‌ ఎవరెస్ట్ ప్రాంతంలోని మంచుతో కప్పబడిన ఫెరిచే ప్రాంతంలో మంగళవారం ఉదయం సుమారు 8.11 గంటలకు ఈ ప్రమాదం జరిగినట్లు ది కాఠ్మాండు పోస్ట్‌ నివేదించింది. ఫిష్‌టెయిల్‌ ఎయిర్, ఎయిర్ డైనాస్టీ సంస్థలకు చెందిన హెలికాప్టర్లు ఒకే హెలిప్యాడ్‌ వద్ద దిగేందుకు ప్రయత్నిస్తున్న సమయంలో ఈ ఘటన చోటుచేసుకుంది. అయితే, రెండు హెలికాప్టర్లు ఎందుకు ఢీకొన్నాయనే విషయంపై అధికారులు పూర్తి వివరాలను వెల్లడించలేదు. ఈ ప్రమాదంలో ఫిష్‌టెయిల్‌ ఎయిర్ హెలికాప్టర్‌లో ప్రయాణిస్తున్న భారతీయుడు వసంత్ కుమార్ బలరామరామడు అక్కడికక్కడే మరణించారు. ఆయన మృతదేహాన్ని లుక్లాలోని ఆసుపత్రికి తరలించినట్లు పోలీసులు తెలిపారు..
నేపాల్‌లోని ఎవరెస్ట్ బేస్ క్యాంప్ మార్గంలో జరిగిన హెలికాప్టర్ల ప్రమాదానికి సంబంధించిన వివరాలు:
*ఘటన: సోలుఖుంబు జిల్లా ఖుంబు పసాంగ్ లహము గ్రామీణ మున్సిపాలిటీ పరిధిలోని ఫెరిచే (Pheriche) హెలిప్యాడ్‌ వద్ద ల్యాండింగ్ సమయంలో ఫిష్‌టైల్ ఎయిర్ (Fishtail Air), ఎయిర్ డైనస్టీ (Air Dynasty) సంస్థలకు చెందిన రెండు హెలికాప్టర్లు ఒకదానికొకటి ఢీకొన్నాయి.
* మరణం: ఈ ప్రమాదంలో ఫిష్‌టైల్ ఎయిర్ హెలికాప్టర్‌లో ప్రయాణిస్తున్న 47 ఏళ్ల భారతీయ పర్యాటకుడు వసంత్ కుమార్ బలరామరామడు (Vasanth Kumar Balaramaramadu) అక్కడికక్కడే మృతి చెందారు. ఆయన మృతదేహాన్ని లుక్లాలోని ఆసుపత్రికి తరలించారు.
గాయపడినవారు:
న్యూజిలాండ్‌లో నివసిస్తున్న భారత సంతతికి చెందిన శైలేష్ కృష్ణ పటేల్ తీవ్రంగా గాయపడగా, మెరుగైన చికిత్స కోసం ఖాట్మండులోని మెడిసిటీ ఆసుపత్రికి ఎయిర్‌లిఫ్ట్ చేశారు..
ఫిష్‌టైల్ ఎయిర్ పైలట్ రవీంద్ర ప్రజాపతి, ఎయిర్ డైనస్టీ పైలట్ ప్రజ్వల్ కేసీ కూడా గాయపడటంతో వారిని చికిత్స నిమిత్తం ఖాట్మండుకు తరలించారు..
దర్యాప్తు: ల్యాండింగ్ క్రమంలో రోటర్ బ్లేడ్లు ఒకదానికొకటి తాకడం వల్ల ఈ ప్రమాదం జరిగిందా అనే కోణంతో పాటు, ప్రమాదానికి గల ఖచ్చితమైన కారణాలపై నేపాల్ సివిల్ ఏవియేషన్ అథారిటీ (CAAN), స్థానిక పోలీసులు విచారణ ప్రారంభించారు.
