మీ శాశ్వత ఖాతా నంబర్ ను (పాన్ కార్డు)ఆధార్ కార్డ్‌తో తప్పనిసరిగా లింక్ చేయాల్సిందిగా టాక్స్‌ బడ్డీ సంస్థ సోషల్ మీడియా ద్వారా హెచ్చరిక జారీ చేసింది. ప్రభుత్వ నిబంధనల ప్రకారం, డిసెంబర్ 31, 2025లోపు ఈ ప్రక్రియ పూర్తి చేయాలి. గడువు ముగిసిన తర్వాత (2026 జనవరి 1 నుండి) లింక్ చేయని కార్డులు ఆటోమేటిక్‌గా డీయాక్టివ్ అవుతాయి.
డీయాక్టివ్ అయితే, మీరు ఆదాయపు పన్ను రిటర్నులు దాఖలు చేయలేరు, పెండింగ్ రీఫండ్‌లు పొందలేరు. అంతేకాకుండా జీతం క్రెడిట్, లు లేదా కొత్త పెట్టుబడులు నిలిచిపోవచ్చు.
*పాన్ కార్డు -ఆధార్ లింకింగ్ గడువు: ముఖ్యమైన హెచ్చరిక*
ట్యాక్స్‌బడ్డీ సంస్థ హెచ్చరిక మేరకు, మీ శాశ్వత ఖాతా నంబర్ (పాన్ కార్డు ) ను ఆధార్ కార్డ్‌ తో అనుసంధానం చేయడం అత్యవసరం. దీనికి తుది గడువు డిసెంబర్ 31, 2025. ఈ గడువులోగా లింక్ చేయని పక్షంలో, జనవరి 1, 2026 నుండి మీ పాన్ కార్డు డీయాక్టివేట్ అవుతుంది.
*దీని ప్రభావాలు:*
పెండింగ్‌లో ఉన్న రీఫండ్‌లు పొందలేరు.
ఆదాయపు పన్ను రిటర్నులు దాఖలు చేయలేరు లేదా ధృవీకరించలేరు.
జీతం క్రెడిట్ లేదా SIP పెట్టుబడులు వంటి ఆర్థిక లావాదేవీలు విఫలమయ్యే అవకాశం ఉంటుంది.
ఫారం 26ASలో TDS/TCS క్రెడిట్ కనిపించదు.
పన్ను అధిక రేటుతో కత్తిరించబడవచ్చు.
ఆర్థిక మంత్రిత్వ శాఖ ఏప్రిల్ 3, 2025న జారీ చేసిన నోటిఫికేషన్ ప్రకారం, అక్టోబర్‌ 1, 2024కి ముందు ఆధార్ ఎన్‌రోల్‌మెంట్ ID ఆధారంగా పాన్ పొందిన ప్రతి ఒక్కరూ గడువులోపు తమ ఆధార్ నంబర్‌ను ఆదాయపు పన్ను విభాగానికి తెలియజేయాలి. పన్ను పారదర్శకత, డూప్లికేట్ పాన్ కార్డుల నియంత్రణ, మరియు ఆదాయపు పన్ను ప్రక్రియల సులభతరం కోసమే ఈ చర్య. ఒకవేళ మీరు ఆధార్ ఎన్‌రోల్‌మెంట్ ID ద్వారా పాన్ పొందినట్లయితే, ఆధార్ నంబర్ జారీ అయిన తర్వాత లింకింగ్ తప్పనిసరి.
లింకింగ్ ప్రక్రియను పూర్తి చేసిన తర్వాత, సాధారణంగా 30 రోజుల్లోపు మీ పాన్ తిరిగి యాక్టివేట్ అవుతుంది. అయితే, డీయాక్టివేషన్ సమయంలో కొత్త పెట్టుబడులు, షేర్ ట్రేడింగ్, లేదా KYC అప్‌డేట్ వంటి ముఖ్యమైన కార్యకలాపాలు నిలిచిపోయే ప్రమాదం ఉంది.
