హిమాచల్‌ప్రదేశ్‌ ప్రదేశ్‌ కాంగ్రెస్‌ కమిటీ (పిసిసి)ను బుధవారం రద్దు చేశారు. పిసిసితో పాటు రాష్ట్రంలోని అన్ని బ్లాక్‌, జిల్లా యూనిట్లను రద్దు చేస్తూ కాంగ్రెస్‌ జాతీయాధ్యక్షుడు మల్లికార్జున ఖర్గే నిర్ణయం తీసుకున్నారు..ఈ విషయాన్ని మేరకు కాంగ్రెస్‌ అధికారికంగా ప్రకటించింది. ఈ రద్దు తక్షణమే అమల్లోకి వస్తుందని తెలిపింది. రాష్ట్రంలో పార్టీని పునర్నిర్మించాలనే యోచనతోనే ఈ నిర్ణయం తీసుకున్నట్లు తెలిపింది. “రాష్ట్రంలోని పిసిసి యూనిట్‌తో పాటు జిల్లా, బ్లాక్‌ కమిటీలు రద్దు చేయాలని కాంగ్రెస్‌ నిర్ణయించింది. దీనికి పార్టీ అధిష్ఠానం ఆమోదం తెలిపింది. ఈ నిర్ణయం తక్షణమే అమల్లోకి వస్తుంది” అని పార్టీ ప్రధాన కార్యదర్శి కేసీ వేణుగోపాల్‌ ఓ ప్రకటనలో వెల్లడించారు. ప్రస్తుతం పీసీసీగా చీఫ్‌గా ఉన్న ప్రతిభా సింగ్‌ను ఇటీవల సీడబ్ల్యూసీలోకి తీసుకున్న సంగతి తెలిసిందే.
