సంపూర్ణ సూర్యగ్రహణం.. భారత్‌కు కనిపించని అద్భుతం!.
కొన్ని ప్రాంతాల్లో పగటి వేళే చీకట్లు కమ్ముకోనున్నాయి. సూర్యుడి బాహ్య వాతావరణమైన ‘కరోనా’ స్పష్టంగా కనిపించే అరుదైన దృశ్యం ఆవిష్కృతం కానుంది. అయితే ఈ ఖగోళ అద్భుతాన్ని భారత్‌లో మాత్రం ప్రత్యక్షంగా వీక్షించే అవకాశం లేదు.
భారత కాలమానం ప్రకారం పాక్షిక గ్రహణం రాత్రి 9 గంటల ప్రాంతంలో ప్రారంభమై, సుమారు 9.15 గంటలకు సంపూర్ణ గ్రహణం మొదలవుతుంది. రాత్రి 11.16–11.17 గంటల సమయంలో గరిష్ఠ దశకు చేరుకుంటుంది. ఆగస్టు 13 తెల్లవారుజామున సంపూర్ణ దశ ముగిసి, సుమారు 3.30 గంటలకు గ్రహణం పూర్తిగా వీడిపోతుంది..
ఏ రాశులపై ప్రభావం?.
జ్యోతిష సంప్రదాయాల ప్రకారం ఈ సంపూర్ణ సూర్యగ్రహణం కర్కాటక రాశిలోని ఆశ్లేషా నక్షత్రంలో కేతుగ్రస్త సూర్యగ్రహణంగా భావిస్తారు.
గ్రహణం కనిపించే ప్రాంతాల్లో నివసించే ఆశ్లేషా నక్షత్రజాతకులు, కర్కాటక రాశివారు గ్రహణ శాంతి, జపం, దానధర్మాలు చేయడం శ్రేయస్కరమని జ్యోతిష పండితులు సూచిస్తున్నారు. అయితే భారత్‌లో ఈ గ్రహణం కనిపించనందున, ఇక్కడి వారికి ప్రత్యేక గ్రహణ శాంతులు అవసరం లేదని సంప్రదాయ విశ్వాసాలు చెబుతున్నాయి.
ప్రతికూల ప్రభావాలు ఎక్కువగా ఉండొచ్చని
భావించే రాశులు:.
కర్కాటక, సింహ, మేష, ధనుస్సు
అనుకూల ఫలితాలు ఉంటాయని చెప్పే రాశులు:
వృషభ, కన్య, తుల, కుంభ
మిశ్రమ ఫలితాలు:
మిథున, వృశ్చిక, మకర, మీన
అయితే ఇవి సాధారణ జ్యోతిష విశ్వాసాల ఆధారంగా చెప్పే ఫలితాలు మాత్రమే. వ్యక్తిగత ఫలితాలు జన్మకుండలి ఆధారంగా మారుతాయని జ్యోతిష నిపుణులు పేర్కొంటున్నారు..
గ్రహణ సమయంలో గాయత్రీ మంత్రం, ఆదిత్య హృదయం, విష్ణు సహస్రనామం, మహామృత్యుంజయ మంత్రం వంటి ఆధ్యాత్మిక కార్యక్రమాలు చేయడం శుభప్రదంగా భావిస్తారు.
గమనిక: రాశులపై ప్రభావం వంటి అంశాలు జ్యోతిష విశ్వాసాల ఆధారితమైనవి; వాటికి శాస్త్రీయ ఆధారం ఉందని చెప్పలేం..
