నేటి ప్రధాన వార్తలు..

తేదీ: 24 సెప్టెంబర్ 2026

వార్తా బులెటిన్

అంతర్జాతీయ వార్తలు

🔹 సెప్టెంబర్ 19న నాసా (NASA) హబుల్ అంతరిక్ష టెలిస్కోప్ భూమి చుట్టూ తన 2,00,000వ పరిభ్రమణాన్ని పూర్తి చేసింది.

🔹 ఐక్యరాజ్యసమితి భద్రతా మండలిలో శాశ్వత సభ్యత్వం కోసం భారత్ చేస్తున్న డిమాండ్‌కు పలు దేశాలు మద్దతు తెలిపాయి.

జాతీయ వార్తలు

🔹 యువత కృషి ద్వారా భారత్ 2047కు ముందే అభివృద్ధి చెందిన దేశంగా మారగలదని రాష్ట్రపతి ద్రౌపది ముర్ము పేర్కొన్నారు.

🔹 సెప్టెంబర్ 27 (ఆదివారం)న అన్ని ప్రభుత్వ రంగ బ్యాంకులు, ప్రాంతీయ గ్రామీణ బ్యాంకులు తెరిచి ఉంటాయని ఆర్థిక మంత్రిత్వ శాఖ తెలిపింది.

🔹 ప్రధానమంత్రి సూర్య ఘర్ పథకం ద్వారా 51 లక్షలకు పైగా కుటుంబాలకు ప్రయోజనం చేకూరడంతో, భారతదేశ సౌర విద్యుత్ సామర్థ్యం దాదాపు 165 గిగావాట్లకు చేరుకుంది.

ఆంధ్రప్రదేశ్, తెలంగాణ వార్తలు

* బంగాళాఖాతంలో వాయుగుండం ఉగ్రరూపం దాల్చింది. కళింగ పట్నానికి నైరుతి దిశలో అర్థరాత్రి తీవ్రవాయుగుండం తీరం దాటింది. గత అర్ధరాత్రి 11 గంటల తర్వాత తీవ్ర వాయుగుండం తీరాన్ని తాకింది.. తీరాన్ని తాకిన తర్వాత.. ఈ ప్రక్రియ 3 గంటల పాటు కొనసాగింది. కొన్ని గంటల అనంతరం తీవ్రవాయుగుండం తీరాన్ని దాటింది. తీరం దాటినప్పటికీ తీవ్ర వాయుగుండంగానే కొనసాగుతున్నట్టు వాతావరణ శాఖ గుర్తించింది. దీని ప్రభావంతో తెలుగు రాష్ట్రాల్లో రెండు రోజులపాటు భారీ వర్షాలు కురిసే అవకాశం ఉందని పేర్కొంది. మరో 48 గంటల పాటు అప్రమత్తంగా ఉండాలని సూచనలు చేసింది. ఉత్తరాంధ్రలో భారీ వర్షాలు కురుస్తాయని తెలిపారు. భారీ వర్షాలతో పాటు ప్రభావిత ప్రాంతాల్లో ఆకస్మిక వరదలు వచ్చే అవకాశం ఉందని హెచ్చరించింది. బలమైన ఈదురు గాలులు వీస్తాయని.. సముద్రం అల్లకల్లోలంగా ఉందని తెలిపింది. ఈనెల 27 వరకు సముద్రంలో మత్స్యకారులు వేటకు వెళ్లొద్దని హెచ్చరికలు చేసింది…

హైదరాబాద్–విజయవాడ ప్రయాణం మరింత ఈజీ.. హైవేపై సర్వీస్ రోడ్లు, అండర్‌పాస్‌లు.

తెలుగు రాష్ట్రాలను అనుసంధానించే హైదరాబాద్ – విజయవాడ హైవేపై వెళ్లే ప్రయాణికులకు గుడ్ న్యూస్.. ఎంతో కీలకమైన ఈ జాతీయ రహదారిని ఆరు లైన్లుగా విస్తరణలో కీలక ముందడుగు పడింది. దేశంలోనే అత్యంత వాహనాల రద్దీ కలిగిన హైదరాబాద్ – విజయవాడ హైవేపై నిత్యం రక్తసిక్తమవుతోంది. ఈ రహదారిపై జరుగుతున్న ప్రమాదాల నివారణకు హైవేను ఆరు లైన్ల విస్తరణకు కేంద్ర ప్రభుత్వం చర్యలు చేపట్టింది..

ఆర్టీఏ ఆఫీసుల్లో సీసీ కెమెరాల ఏర్పాటు.

ఆర్టీఏ కార్యాలయాల్లో సిబ్బంది అండతో ఏజెంట్ల ఆగడాలు పేట్రేగిపోతుండటంతో ఉన్నతాధికారులు సీసీ కెమెరాల నిఘాపై దృష్టి సారించారు. ఇటీవల ఏసీబీ సోదాల్లో బండ్లగూడ కార్యాలయంలో అంతా ఏజెంట్లే చక్రం తిప్పుతూ పనులకో రేటు పెట్టి డబ్బులు వసూలు చేస్తున్నట్లు వెలుగులోకి వచ్చింది. డ్రైవింగ్‌ లైసెన్స్‌లు ఇష్టానుసారంగా జారీ చేయించడం, ఆర్‌సీ, లైసెన్స్‌ కార్డులు నేరుగా ఏజెంట్ల చేతుల్లోకి వెళ్లడం, ఇతర ఫిట్‌నెస్‌ పరీక్షలకు క్లియరెన్స్‌ ఇప్పించడం వంటి వాటిని ఏసీబీ అధికారులు గుర్తించారు.

ఏపీలో సోషల్ మీడియా ఇన్‌ఫ్లుయెన్సర్స్‌కి బంపరాఫర్: సామాజిక మీడియా పాలసీకి కేబినెట్ ఆమోదం.

ఆంధ్రప్రదేశ్ రాష్ట్ర ప్రభుత్వం సోషల్ మీడియా ఇన్‌ఫ్లుయెన్సర్స్‌కి గుడ్‌న్యూస్ చెప్పింది.ప్రభుత్వ పథకాలను ప్రజల్లోకి తీసుకెళ్లే విధంగా వీడియోస్ చేసే ఇన్ ఫ్లుయెన్సర్స్‌కి ఇకపై డబ్బు చెల్లించాలని నిర్ణయించింది. ఈ మేరకు ఏపీ మంత్రివర్గం ఈ కీలక నిర్ణయం తీసుకుంది. ఇతర రాష్ట్రాల్లో ఇన్‌ఫ్లుయెన్సర్స్‌కి ఆయా రాష్ట్ర ప్రభుత్వాలు చెల్లిస్తున్న విధానాలను పరిశీలించిన ఏపీ ప్రభుత్వం ఈ నిర్ణయం తీసుకుంది. అయితే ఇన్ ఫ్లుయెన్సర్స్‌కి ఉన్న సబ్ స్క్రైబర్స్ ఆధారంగా పేమెంట్ ఇవ్వనున్నట్లు ప్రభుత్వం తెలియజేసింది.

🔹 సెప్టెంబర్ 27న రాజమహేంద్రవరంలో ప్రపంచ పర్యాటక దినోత్సవ వేడుకలు నిర్వహించనున్నారు.

🔹 తిరుమల బ్రహ్మోత్సవాలు చక్రస్నానంతో ముగిశాయి.

క్రీడా వార్తలు

🔹 ఆసియా క్రీడల్లో మహిళల స్కీట్ జట్టు కాంస్య పతకం సాధించడంతో భారత్ పతకాల సంఖ్య ఎనిమిదికి చేరుకుంది.

🔹 ఐపీఎల్ 2027 ఆటగాళ్ల వేలం డిసెంబర్‌లో గోవాలో నిర్వహించనున్నారు.

నేటి ఆలోచన

“ఈ రోజు కొత్తదేదైనా ప్రయత్నించడానికి మంచి రోజు.”

సాధారణ జ్ఞాన ప్రశ్న

మిరపకాయల నగరం (City of Chillies) అని ఏ నగరాన్ని పిలుస్తారు?