గంగానదిలో కొట్టుకుపోయిన 150 ఏళ్ల నాటి శివాలయం
పశ్చిమ బెంగాల్‌లోని మాల్దా జిల్లా రతువా సమీపంలోని ములిరామ్‌తోలాలో ఘటన
భారీ వర్షాల వల్ల గంగానది ఉగ్రరూపం దాల్చడంతో.. నిండుకుండలా మారిన ఫరక్కా బ్యారేజ్
అక్షరాల 12 లక్షల క్యూసెక్కుల నీరు పారడంతో.. తీరప్రాంతం కోతకు గురైంది
ఈ క్రమంలోనే.. 150 ఏళ్ల నాటి చరిత్ర గల శివాలయం గంగా నదిలో కొట్టుకుపోయింది
ఒడ్డు వెంబడి ఇసుక సంచులు పెట్టి.. ఆలయాన్ని కాపాడేందుకు గ్రామస్థులు ప్రయత్నించారు
కానీ.. బలమైన నదీ ప్రవాహం ముందు వారి ప్రయత్నం విఫలమైంది..
గంగానదిలో కొట్టుకుపోయిన 150 ఏళ్ల నాటి శివాలయం!
మాల్దా: పశ్చిమ బెంగాల్‌లో భారీ వర్షాల కారణంగా గంగానది ఉగ్రరూపం దాల్చింది. నదీ ప్రవాహం తీవ్రత పెరగడంతో తీరప్రాంతాల్లో భారీగా కోత ఏర్పడుతోంది. ఈ క్రమంలో మాల్దా జిల్లా రతువా సమీపంలోని ములిరామ్‌తోలా ప్రాంతంలో సుమారు 150 ఏళ్ల చరిత్ర కలిగిన పురాతన శివాలయం గంగానదిలో కొట్టుకుపోయింది.
భారీ వర్షాలతో ఫరక్కా బ్యారేజ్‌కు వరద నీరు భారీగా చేరింది. దాదాపు 12 లక్షల క్యూసెక్కుల నీరు ప్రవహించడంతో గంగానది ఉద్ధృతంగా మారింది. దీంతో నది ఒడ్డున తీవ్రంగా కోత ఏర్పడి.. ఆలయం ఉన్న ప్రాంతం క్రమంగా నదిలో కలిసిపోయింది.
ఆలయాన్ని కాపాడేందుకు స్థానిక గ్రామస్థులు తమ వంతు ప్రయత్నాలు చేశారు. నది ఒడ్డున ఇసుక సంచులు ఏర్పాటు చేసి ప్రవాహాన్ని అడ్డుకునేందుకు ప్రయత్నించినప్పటికీ.. గంగానది ఉద్ధృతి ముందు ఆ ప్రయత్నాలు ఫలించలేదు.
చూస్తుండగానే పురాతన శివాలయం నదిలోకి జారిపోవడంతో స్థానికులు తీవ్ర ఆవేదన వ్యక్తం చేశారు. ఎన్నో ఏళ్లుగా తమ ప్రాంత చరిత్ర, ఆధ్యాత్మికతకు ప్రతీకగా ఉన్న ఆలయం ఇలా కనుమరుగవడం తమను కలచివేసిందని గ్రామస్థులు తెలిపారు.
భారీ వరదలు, తీర ప్రాంత కోతల కారణంగా గంగానది పరివాహక ప్రాంతాల్లో ప్రజలు అప్రమత్తంగా ఉండాలని అధికారులు సూచిస్తున్నారు.
