జర్మనీలో జెన్ జెడ్ నిరసనలు …ఫ్రాంక్‌ఫర్ట్‌లో దోపిడీలు, పోలీసులపై పెట్రోల్ బాంబులు…
ఫ్రాన్స్‌లో విద్యార్థి, యువత సాగిస్తున్న ఆందోళన ప్రభావం పొరుగు దేశాలపైనా పడింది. జర్మనీలో విపరీతంగా పెరిగిన జీవన వ్యయంపై శనివారం రాత్రి చేపట్టిన ఆందోళనలు తీవ్రరూపం దాల్చాయి..జెన్ జెడ్ సారథ్యంలో జరుగుతున్న నిరసనల వేళ దేశ ఆర్థిక కేంద్రంగా ఉన్న ఫ్రాంక్ఫర్ట్ నగరంలో ముసుగులు ధరించిన దుండగులు దుకాణాలను యథేచ్ఛగా లూటీ చేశారు. దీంతో, నగరంలోని ప్రధాన షాపింగ్‌ స్ట్రీట్‌ను పోలీసులు మూసి వేయించారు.
బ్యాట్‌మ్యాన్‌ వేషం వేసుకున్న నిరసనకారుడు సహా పలువురిని అరెస్ట్‌ చేసినట్లు పోలీసులు తెలిపారు. తుపాకుల దుకాణం నుంచి ఎత్తుకుపోయిన రెండు తుపాకులను తిరిగి స్వా«దీనం చేసుకుని, ఒకరిని అరెస్ట్‌ చేశామన్నారు. కొందరు ఎంతో నైపుణ్యంతో దుకాణాల అద్దాలను పగులగొట్టి, వస్తువులను ఎత్తుకుపోయారని వెల్లడించారు. రాజధాని బెర్లిన్‌తోపాటు, కొలోన్, హాంబర్గ్‌లో జరిగిన నిరసనలు హింసాత్మకంగా మారాయి. అత్యవసర సిబ్బందిపై పెట్రోల్ బాంబులు విసురుతూ, సీసాలు, రాళ్లు విసురుతున్న ఆందోళన కారుల్ని చెదరగొట్టేందుకు వాటర్ కెనన్లను ప్రయోగించారు…
విద్యా నిధులు, పెరుగుతున్న జీవన వ్యయాలు మరియు తప్పనిసరి సైనిక సేవకు వ్యతిరేకంగా జర్మనీలోని ప్రధాన నగరాల వీధుల్లోకి పదివేల మంది ప్రజలు తరలిరావడంతో, శనివారం రాత్రి ఫ్రాంక్‌ఫర్ట్‌లో ముసుగులు ధరించిన ప్రదర్శనకారులు దుకాణాలను దోచుకున్నారు.
“జెన్ జెడ్ రెగెల్ట్” (అంటే “జెన్ జెడ్ బాధ్యత తీసుకుంటుంది”) అనే ప్రచార బృందం ఆధ్వర్యంలో బెర్లిన్, ఫ్రాంక్ఫర్ట్, మ్యూనిచ్ సహా 34 నగరాల్లో ఈ ప్రదర్శనలు జరిగాయి. యువత అధిక ఆర్థిక భద్రతను, మెరుగైన ప్రజా సేవలను డిమాండ్ చేస్తూ ఈ ఏడాది ఐరోపా వ్యాప్తంగా యువత నేతృత్వంలో జరుగుతున్న విస్తృత ప్రదర్శనల పరంపరలో ఈ నిరసనలు కూడా ఒక భాగం…హ్యాంబర్గ్‌లో ఆందోళనకారులు బారికేడ్లను తగులబెట్టగా, కొలోన్, బెర్లిన్ నగరాల్లో కూడా ఘర్షణలు నమోదయ్యాయి. వారిని చెదరగొట్టేందుకు పోలీసులు వాటర్ క్యానన్లు, పెప్పర్ స్ప్రే ప్రయోగించారు. ఈ ఘర్షణల్లో పలువురు పోలీసులు గాయపడగా, అనేక మంది నిరసనకారులను అరెస్టు చేశారు.
“మేము శాంతి, స్వేచ్ఛ కోసం..
పోరాడుతున్నాం. యుద్ధం, బలవంతం కోసం కాదు” అని నిరసన నిర్వాహకురాలు లినా ఫ్రెడ్రిక్ తెలిపారు. విద్య, ఆరోగ్య రంగాలకు మరిన్ని నిధులు కేటాయించాలని, తప్పనిసరి సైనిక సేవను రద్దు చేయాలని వారు డిమాండ్ చేశారు. ఈ హింసాత్మక ఘటనలు ఫ్రాన్స్‌లో జరిగిన అల్లర్లను గుర్తుచేస్తున్నాయని, తీవ్రవాద గ్రూపులు ఈ నిరసనలను వాడుకుంటున్నాయని అధికారులు అనుమానం వ్యక్తం చేశారు. అంతర్జాతీయ మీడియా కథనాల ప్రకారం, చాలా చోట్ల శాంతియుతంగా ప్రారంభమైన నిరసనలు సాయంత్రానికి హింసాత్మకంగా మారాయి.
