బంగ్లాదేశ్ పొరుగు దేశం కు వ్యాపారపరంగా చావుదెబ్బ కొట్టింది భారత్. ఆ దేశం నుంచి దిగుమతి చేసుకునే పలు రకాల వస్తువులు, ఆహార పదార్థాలపై ఆంక్షలు విధించింది.
నుండి రెడీమేడ్ దుస్తులు, ప్రాసెస్ చేసిన ఆహార పదార్థాలు వంటి కొన్ని వస్తువుల దిగుమతిపై భారత్ శనివారం పోర్టు ఆంక్షలు విధించింది. వాణిజ్య మంత్రిత్వ శాఖ పరిధిలోని డైరెక్టరేట్ జనరల్ ఆఫ్ ఫారిన్ ట్రేడ్ (DGFT) ఈ విషయంలో నోటిఫికేషన్ జారీ చేసింది..బంగ్లాదేశ్ వస్త్ర దిగుమతులను కోల్కతా, ముంబై ఓడరేవులకు వరకే పరిమితం చేసింది. వాణిజ్యం, పరిశ్రమల మంత్రిత్వ శాఖ ఈ మేరకు శనివారం ఉత్తర్వులు జారీ చేసింది….
వాణిజ్య మంత్రిత్వ శాఖ ఆధ్వర్యంలోని డైరెక్టరేట్ జనరల్ ఆఫ్ ఫారిన్ ట్రేడ్ (DGFT) ఒక నోటిఫికేషన్ విడుదల చేసి ఈ విషయాన్ని తెలియజేసింది. ఈ నోటిఫికేషన్ ప్రకారం, రెడీమేడ్ గారమెంట్స్, ప్రాసెస్డ్ ఫుడ్, ప్లాస్టిక్ ఉత్పత్తులు, చెక్క ఫర్నిచర్ , డై వంటి ఉత్పత్తుల దిగుమతి ఇకపై భారతదేశంలోని ప్రతి బార్డర్ లేదా పోర్టు ద్వారా జరగదు.
ఇక ఏ పోర్టుల ద్వారా దిగుమతి జరుగుతుంది?
రెడీమేడ్ గారమెంట్స్ ఇకపై నావా షేవా (ముంబై) కోల్కతా సీపోర్టుల ద్వారా మాత్రమే భారతదేశంలోకి రాగలవు. అదే సమయంలో, బేక్డ్ గుడ్స్, స్నాక్స్, పండ్లు-కూరగాయలతో తయారైన పానీయాలు, కాటన్ యార్న్ వేస్ట్, పివీసీ, డై వంటి వస్తువులకు ఈశాన్య రాష్ట్రాలైన అస్సాం, మేఘాలయ, త్రిపుర, మిజోరం, పశ్చిమ బెంగాల్లోని చాంగ్రాబాండా , ఫూల్బాడి బార్డర్ పాయింట్లను పూర్తిగా మూసివేశారు.
ఏ వస్తువులకు మినహాయింపు లభించింది?
అయితే, కొన్ని వస్తువులు ఇప్పటికీ ఈ నిషేధం నుంచి మినహాయించింది. చేపలు, ఎల్పీజీ, ఆహార నూనెలు, క్రష్డ్ స్టోన్ వంటి బంగ్లాదేశ్ ఉత్పత్తులు ఇప్పటికీ అన్ని చెల్లుబాటు అయ్యే పోర్టులు, భూ సరిహద్దుల ద్వారా భారతదేశంలోకి రావచ్చు. అలాగే, బంగ్లాదేశ్ ద్వారా నేపాల్ , భూటాన్కు వెళ్లే ట్రాన్సిట్ వస్తువులపై ఈ నిబంధనలు వర్తించవు.
ఈ నిర్ణయం ఎందుకు తీసుకున్నారు?
ఈ చర్య అకస్మాత్తుగా తీసుకోలేదు. ఇటీవల బంగ్లాదేశ్ తాత్కాలిక ప్రభుత్వ అధిపతి ముహమ్మద్ యూనుస్ చైనాలోని ఒక కార్యక్రమంలో భారతదేశంలోని ఏడు ఈశాన్య రాష్ట్రాలు “భూపరివేష్టిత” రాష్ట్రాలు అని, వాటికి సముద్ర మార్గం బంగ్లాదేశ్ ద్వారా మాత్రమే సాధ్యమవుతుందని పేర్కొన్నారు.
అతను తనను తాను “భారత మహాసముద్రం గార్డియన్”గా అభివర్ణించుకుంటూ, చైనాను బంగ్లాదేశ్ ద్వారా గ్లోబల్ షిప్మెంట్లను పంపించమని ఆహ్వానించాడు. ఈ ప్రకటన భారతదేశానికి చాలా అభ్యంతరకరం వ్యక్తి చేసింది. దాని ప్రభావం ఈ నిర్ణయంలో స్పష్టంగా కనిపిస్తుంది.
ట్రాన్సిట్ సౌకర్యం ఇప్పటికే రద్దు చేశారు
భారతదేశం ఏప్రిల్ 9, 2025న బంగ్లాదేశ్కు ఇచ్చిన ట్రాన్సిట్ సౌకర్యాన్ని ఉపసంహరించుకుంది. దీని ద్వారా బంగ్లాదేశ్ ఢిల్లీ విమానాశ్రయం సహా ఇతర భారతీయ పోర్టుల నుంచి మధ్యప్రాచ్యం, యూరోప్కు ఎగుమతి చేస్తుంది. ఇప్పుడు ఈ సౌకర్యం నేపాల్, భూటాన్కు మాత్రమే పరిమితం చేశారు .
ఈ పోర్ట్ పరిమితులు నేపాల్, భూటాన్లకు భారత్ గుండా రవాణా చేసే బంగ్లాదేశ్ వస్తువులకు వర్తించవని స్పష్టం చేసింది.అయితే బంగ్లాదేశ్ నుండి చేపలు, ఎల్పిజి, తినదగిన నూనె, క్రష్డ్ స్టోన్ దిగుమతికి పోర్ట్ ఆంక్షలు వర్తించవు. భారత్ – పాకిస్తాన్ యుద్ధంలో పాక్కు మద్దతుగా బంగ్లా నిలువడంతోనే భారత్ ఈ నిర్ణయం తీసుకుందని తెలుస్తోంది. బంగ్లా తాత్కాలిక ప్రభుత్వాధినేతగా యూనస్ బాధ్యతలు చేపట్టాక రెండు దేశాల మధ్య సంబంధాలు క్షీణించాయి. ఇటీవల చైనా పర్యటనలో ఈశాన్య రాష్ట్రాలపై యూనస్ వివాదాస్పద వ్యాఖ్యలు చేసిన సంగతి తెలిసిందే..
