అనకాపల్లి జిల్లా నక్కపల్లిలో జాతీయ రహదారిపై విషాదకర సంఘటన చోటుచేసుకుంది. తుని నుంచి విశాఖపట్నం వెళ్తున్న లారీ నియంత్రణ కోల్పోయి, రోడ్డుపై పనుల నిమిత్తం వెళ్తున్న ముగ్గురు మహిళా ఉపాధి కూలీలను బలంగా ఢీకొట్టింది. ఈ ప్రమాదంలో తీవ్రంగా గాయపడిన వారిని విశాఖ కేజీహెచ్‌కు తరలిస్తుండగా, మార్గమధ్యలోనే ఒక మహిళ కన్నుమూసింది. మిగిలిన ఇద్దరు మహిళల పరిస్థితి విషమంగా ఉండటంతో వైద్యులు అత్యవసర చికిత్స అందిస్తున్నారు. పోలీసులు కేసు నమోదు చేసి దర్యాప్తు చేస్తున్నారు..
