నీట్ నిరసనకారులపై పెల్లెట్ గన్ ఉపయోగించారన్న ఆరోపణలు పార్లమెంటులో రాజకీయ దుమారంగా మారిన తరుణంలో కోర్టు వ్యాఖ్యలు..
జంతర్ మంతర్ వద్ద మోహరించిన రాపిడ్ యాక్షన్ ఫోర్స్ (RAF) యొక్క మందుగుండు సామగ్రి లాగ్‌ను భద్రపరచాలని కేంద్రాన్ని ఆదేశిస్తూ, “అసాధారణ పరిస్థితులలో పెల్లెట్ గన్‌లను ఉపయోగించే అధికారం పోలీసులకు ఉంది” అని సుప్రీంకోర్టు గురువారం వ్యాఖ్యానించింది.
జూలై 20న సీజేపీ నేతృత్వంలో జరిగిన విద్యార్థి నిరసన సందర్భంగా నీట్ నిరసనకారులపై పెల్లెట్ గన్ ఉపయోగించారన్న ఆరోపణలు పార్లమెంటులో రాజకీయ దుమారంగా మారిన తరుణంలో కోర్టు ఈ వ్యాఖ్యలు చేసింది..
సీజేఐ సూర్య కాంత్, జస్టిస్‌లు జయమల్య బాగ్చి, వి. మోహనలతో కూడిన ధర్మాసనం, పెల్లెట్ గన్ కాల్పుల్లో గాయపడిన నిరసనకారులకు తగిన చికిత్స అందించాలని ఢిల్లీ ప్రభుత్వాన్ని ఆదేశించింది. లాఠీచార్జి, టియర్ గ్యాస్‌తో హింసను అదుపు చేయలేని తీవ్ర హింసాత్మక పరిస్థితుల్లో పోలీసులు బుల్లెట్లు ఉపయోగించడానికి అనుమతి ఉన్నప్పుడు, దుండగులు తమ దురుద్దేశాల కోసం హైజాక్ చేసి హింసాత్మకంగా మారిన నిరసనపై పెల్లెట్ గన్‌లను ఉపయోగించకుండా వారిని ఎలా నిరోధించగలరని ధర్మాసనం వ్యాఖ్యానించింది..నిరసనల సమయంలో గాయపడిన వారందరికీ సరైన చికిత్స అందించాలని కోర్టు పేర్కొంది. అయితే, నిరసనకారులపై పెల్లెట్ గన్‌ల వాడకాన్ని నిషేధించాలని కోరిన పిటిషనర్, మాజీ ఐపీఎస్ అధికారి యశోవర్ధన్ ఆజాద్‌ను సుప్రీంకోర్టు ప్రశ్నించింది. ఇదిలా ఉండగా, నీట్ లీక్‌లకు వ్యతిరేకంగా నిరసన తెలిపిన వారిపై జూలై 20న జరిగిన పోలీసు చర్యలో, పెల్లెట్ గన్ వంటి ‘ప్రాణాపాయం లేని’ సాధనాలను అధికారికంగా ఉపయోగించడంతో సహా, అన్ని ప్రామాణిక కార్యాచరణ విధానాలు (SOPలు) మరియు అల్లర్ల నివారణ విన్యాసాలను పాటించారని ఘటనాానంతరం సీఆర్పీఎఫ్ చేసిన విశ్లేషణలో పేర్కొంది..
