హైదరాబాద్‌లో లివింగ్ రిలేషన్‌షిప్‌లు..ఒకే రూమ్‌లో అబ్బాయిలు, అమ్మాయిలు…
Hyderabad trend ..లివింగ్ రిలేషన్‌షిప్ అనేది ఈ కాలంలో బాగా ట్రెండ్ అవుతోంది. ఇది ఇద్దరు వ్యక్తులు వారి ఇష్టపూర్వకంగా పెళ్లికి ముందే భార్యభర్తలుగా కలిసి జీవిస్తారు..
City Co-Living Controversy..
ఐటీ కారిడార్‌లో కో లివింగ్ హాస్టల్స్ కల్చర్ వేగంగా పెరుగుతుంది. అయితే తాజాగా సమాజంలో చోటుచేసుకుంటున్న నేరాలు, మెట్రో నగరాల్లో పెరుగుతున్న కో-లివింగ్ కల్చర్‌పై కాంగ్రెస్ సీనియర్ వీహెచ్ సంచలన కామెంట్స్ చేశారు..హనుమంతరావు బుధవారం రోజున గాంధీ భవన్‌లో మీడియాతో మాట్లాడారు. సమాజంలో జరుగుతున్న హత్యలు ఆందోళన కలిగిస్తున్నాయని అన్నారు. మహిళ సొంత తల్లిని చంపడం, ప్రియుడితో కలిసి భర్తను చంపడం… వంటి వార్తలే కనిపిస్తున్నాయని చెప్పారు. గతంలో ఫ్యాక్షన్ మర్డర్స్ ఉండేవని… ఇప్పుడు లవ్ మర్డర్స్ జరుగుతున్నాయని అన్నారు. మానవ హక్కుల సంఘాలు ఏం చేస్తున్నాయని ప్రశ్నించారు. ఇలాంటి సంఘటనలు తక్కువగా చూపించాలని సోషల్ మీడియా వాళ్లను కోరుతున్నానని చెప్పారు.
అలాగే హైదరాబాద్‌లోని ఐటీ కారిడార్‌లో కో లివింగ్ స్పేసెస్ పెడుతున్నారని… ఒకే హాస్టల్‌లో ఆడపిల్లలు, మగ పిల్లలు కలిసి ఉంటుంన్నారని… ఇది మంచి సంస్కృతి కాదని అన్నారు. ఇది ఏ పరిణామాలకు దారితీస్తుందని ఆయన ప్రశ్నించారు. ఈ సిస్టమ్ బాగోలేదని… ఇలాంటి వాటిని కట్టడి చేయాలని వీహెచ్ అభిప్రాయపడ్డారు. కో-లివింగ్ హాస్టల్స్ సంస్కృతిని ఆపాలని సీఎం రేవంత్ రెడ్డి, ఐటీ మంత్రి శ్రీధర్ బాబును ఆయన కోరారు. కాంగ్రెస్ అనుబంధ విద్యార్థి సంఘం ఎన్‌ఎస్‌యూఐ కూడా వీటి మీద దృష్టి పెట్టాలని సూచించారు.
హైదరాబాద్‌లో కో లివింగ్ హాస్టల్స్…
కో లివింగ్ హాస్టల్స్… అబ్బాయిలు, అమ్మాయిలు కూడా కలిసి ఒకే గదిలో ఉండేందుకు అనుమతిస్తున్నాయి. దీంతో కలిసి ఉందామని అనుకుంటున్న కొందరు అబ్బాయిలు, అమ్మాయిలు వీటిని ఆశ్రయిస్తున్నారు. కొండాపూర్, మాదాపూర్, అయ్యప్ప సొసైటీ, గచ్చిబౌలి, గౌలిదొడ్డి, నానక్‌రామ్‌గూడ.. తదితర ప్రాంతాల్లో కో లివింగ్ హాస్టల్స్‌కు డిమాండ్ కూడా భారీగానే ఉంది.
అమ్మాయిలకు, అబ్బాయిలకు వేర్వేరుగా హాస్టల్స్, పీజీల ద్వారా వచ్చే ఆదాయం తక్కువగా ఉండటంతో… ఈ బిజినెస్‌లో ఉండే పలువురు ఎక్కువ ఆదాయం కోసం వాటిని కో-లివింగ్ పీజీ హాస్టళ్లుగా మార్చేస్తున్నారు. ఎందుకంటే… కొన్ని చోట్ల కో లివింగ్ హాస్టల్స్ నిర్వాహకులు అందులో చేరేవారి నుంచి ముందుగా రూ. 50 వేల వరకు డిపాజిట్ కట్టించుకున్నారని తెలుస్తోంది. ఆ తర్వాత ఒక్కరికి నెలకు దాదాపు రూ. 20 వేల వరకు ఛార్జ్ చేస్తున్నారు. ఇందుకు సంబంధించి బహిరంగంగానే ప్రచారం చేస్తున్నారు.
అయితే కొన్ని చోట్ల కో-లివింగ్ పీజీ హాస్టళ్ల నిర్వాహకులు… ఒక అబ్బాయికి ఒక అమ్మాయిని ఏర్పాటు చేయడానికి ముందుకొస్తున్నారనే ఆరోపణలు ఉన్నాయి. అయితే హైదరాబాద్‌లో వేగంగా వ్యాపిస్తున్న ఈ కల్చర్‌పై కొందరు తీవ్ర ఆందోళన వ్యక్తం చేస్తున్నారు. కో లివింగ్ పీజీ హాస్టల్స్ వల్ల సామాజికంగా, నైతికంగా చిక్కులు తప్పవని చాలా మంది భావిస్తున్నారు.
