ఒమన్, భారత్ మధ్య సమగ్ర ఆర్థిక భాగస్వామ్య ఒప్పందం (India-Oman Comprehensive Economic Partnership Agreement – CEPA) నేటి (జూన్ 1) నుంచి అమలులోకి వచ్చిందని కేంద్ర వాణిజ్య, పరిశ్రమల మంత్రి పియూష్ గోయల్ ప్రకటించారు..ఈ ఒప్పందంపై డిసెంబర్ 18, 2025న సంతకాలు చేశారు. భారత్ ఎగుమతులను పెంచడం, ద్వైపాక్షిక వాణిజ్యాన్ని విస్తరించడం, గల్ఫ్ ప్రాంతంలో భారత్ ఆర్థిక స్థావరాన్ని బలోపేతం చేయడంలో ఈ డీల్ కీలక పాత్ర పోషిస్తుందని న్యూస్18 రిపోర్ట్ చేసింది.
పియూష్ గోయల్ మాట్లాడుతూ, “ఒమన్ బృందంతో మంచి సమావేశం జరిగింది. ఒమన్ FTA జూన్ 1, 2026 నుంచి అమలులోకి వచ్చింది” అని తెలిపారు. భారత్ తన మొత్తం ఎగుమతులను (సేవలతో సహా) తదుపరి 5 సంవత్సరాల్లో $2 ట్రిలియన్ చేయాలని లక్ష్యం పెట్టుకుంది. FY27కి $1 ట్రిలియన్ ఎగుమతుల లక్ష్యం కూడా ఉంది. ఈ ఒప్పందం ఆ దిశగా ముఖ్యమైన అడుగు అని మనీ కంట్రోల్ రిపోర్ట్ చేసింది..
ఒప్పందం వివరాలు:
ఈ CEPA.. వస్తువుల వాణిజ్యం, సేవలు, పెట్టుబడులు, వృత్తిపరమైన మొబిలిటీ, నియంత్రణ సహకారాన్ని కవర్ చేస్తుంది. ఒమన్.. భారత ఎగుమతులకు 98.08శాతం టారిఫ్ లైన్లపై 100శాతం పన్ను లేకుండా అనుమతి ఇస్తుంది. 2022-23 సగటు ఆధారంగా ఇది భారత్ ఎగుమతుల విలువలో 99.38శాతాన్ని కవర్ చేస్తుంది. అన్ని జీరో-డ్యూటీ కాన్సెషన్లు “డే వన్” నుంచి అమలవుతాయి. అంటే ఇవాళ్టి నుంచే ప్రారంభమవుతాయి. దీని వల్ల ఒమన్‌కి భారత ఎగుమతులు పెరుగుతాయి. అక్కడ భారత వస్తువుల కొనుగోళ్లు భారీగా పెరుగుతాయి.
ప్రస్తుతం, భారత్ ఎగుమతులలో కేవలం 15.33శాతం విలువ (11.34% టారిఫ్ లైన్లు) మాత్రమే ఒమన్‌లో పన్ను లేకుండా ప్రవేశిస్తుంది. మోస్ట్ ఫేవర్డ్ నేషన్ – MFN రెజిమ్ కింద ఈ ఛాన్స్ ఉంది. ఈ తాజా ఒప్పందం ద్వారా సుమారు $3.64 బిలియన్ విలువైన భారత్ ఉత్పత్తులపై 5శాతం పన్ను తొలగింపు జరుగుతుంది. భారత్ వైపు నుంచి 77.79శాతం టారిఫ్ లైన్లపై (12,556 లైన్లు).. పన్ను సడలింపు ఉంటుంది. ఇది ఒమన్ నుంచి దిగుమతుల విలువలో 94.81శాతాన్ని కవర్ చేస్తుంది. సున్నితమైన రంగాలను రక్షించడానికి ఎక్స్‌క్లూజన్ లిస్ట్ ఉంది.
ఒప్పందం సంతకాల సమయంలో భారత్-ఒమన్ ద్వైపాక్షిక వాణిజ్యం FY 2024-25లో $10.61 బిలియన్ ఉండగా, FY 2025-26లో $11.18 బిలియన్‌కి పెరిగింది. భారత్ ఎగుమతులు సుమారు $4.02 బిలియన్ ఉండగా, దిగుమతులు $7.16 బిలియన్ ఉన్నాయి. గత సంవత్సరాలతో పోలిస్తే మెరుగైన వృద్ధి కనిపిస్తోంది.
ఇవి కూడా చదవండి: Iran News: 50 క్షిపణి సొరంగాల్ని రిపేర్ చేసి, ఓపెన్ చేసిన ఇరాన్.. భారీ యుద్ధం జరగబోతోందా?
భారత్‌కి కలిగే లాభాలు:
ఈ ఒప్పందం భారత్ ఎగుమతులను పెంచడంలో కీలకమైనది. టెక్స్‌టైల్స్, అగ్రికల్చర్, లెదర్, జెమ్స్ అండ్ జ్యువెలరీ, ఇంజనీరింగ్ గూడ్స్, ఫార్మాస్యూటికల్స్, మెరైన్ ప్రొడక్ట్స్, కెమికల్స్, ఎలక్ట్రానిక్స్, ప్లాస్టిక్స్ వంటి రంగాలు ప్రత్యక్ష లాభం పొందుతాయి. ఒమన్ గల్ఫ్, ఆఫ్రికా, సెంట్రల్ ఆసియా మార్కెట్లకు గేట్‌వేగా పని చేస్తుంది.
ఎగుమతులు పెరుగుతాయా?:
అవును. డ్యూటీ తొలగింపు వల్ల భారత్ ఉత్పత్తులు ధరలో పోటీ పడతాయి. ఇంజనీరింగ్ ఎగుమతులు FY24-25లో $875 మిలియన్ ఉండగా, 2030 నాటికి $1.3-1.6 బిలియన్‌కి పెరగవచ్చు. టెక్స్‌టైల్స్, ఫార్మా, అగ్రి ప్రొసెస్డ్ ఫుడ్ రంగాల్లో మెరుగైన అవకాశాలు ఉన్నాయి. MSMEs, లేబర్-ఇంటెన్సివ్ సెక్టర్లు ప్రయోజనం పొందుతాయి. భారత్ ఎగుమతి లక్ష్యాలను సాధించడానికి ఈ ఒప్పందం ఊతం ఇస్తుంది.
వ్యవసాయ రంగం: సహజ తేనె, దుంపలు, జీడిపప్పు, బోన్‌లెస్ మీట్, బేకరీ ఐటెమ్స్ వంటి వాటి ఎగుమతులకు ఒమన్‌లో పన్ను ఉండదు. ఒమన్ అగ్రి దిగుమతుల్లో భారత్ 10.24 శాతం వాటా కలిగి ఉంది.
ఫార్మాస్యూటికల్స్: USFDA, EMA వంటి అథారిటీలు అప్రూవ్ చేసిన ఉత్పత్తులకు 90 రోజుల్లో ఫాస్ట్-ట్రాక్ అప్రూవల్స్ లభిస్తాయి. GMP సర్టిఫికెట్లను ఆమోదిస్తారు. ఒమన్ ఫార్మా మార్కెట్ 2031 నాటికి $473 మిలియన్‌కి చేరుకోవచ్చు.
సేవా రంగం: ఒమన్ గ్లోబల్ సర్వీసెస్ దిగుమతులు $12.52 బిలియన్. భారత్ వాటా 5.31%. ICTలో సీలింగ్ 20% నుంచి 50%కి పెంచారు. IT, ఇంజనీరింగ్, మెడికల్, కన్సల్టింగ్ వంటి రంగాల్లో భారతీయ ప్రొఫెషనల్స్‌కు మెరుగైన మొబిలిటీ ఉంటుంది.
పెట్టుబడులు, ఇతర లాభాలు: ఒమన్‌లో 6,000+ ఇండియన్ జాయింట్ వెంచర్లు ఉన్నాయి. భారత్ FDI $675 మిలియన్, ఒమన్ FDI ఇండియాలో $610 మిలియన్. 7 లక్షల మంది భారతీయులు ఒమన్‌లో ఉన్నారు, సంవత్సరానికి $2 బిలియన్ రెమిటెన్సెస్. ఎనర్జీ సెక్యూరిటీ, సప్లై చైన్ రెసిలియన్స్ మెరుగుపడతాయి.
భారత్ సున్నితమైన రంగాలైన డైరీ, సీరియల్స్, టీ, కాఫీ, ఎడిబుల్ ఆయిల్స్, టెక్స్‌టైల్స్, లెదర్, ఫుట్‌వేర్‌ను ఎక్స్‌క్లూజన్ లిస్ట్‌లో ఉంచి రక్షించింది. ఒమన్ ఉత్పత్తులైన ఖర్జూరాలు (2,000 టన్నుల TRQ), పాలరాయి, పెట్రోకెమికల్స్‌పై కన్ట్రోల్డ్ యాక్సెస్ ఉంటుందని స్టాటిక్ పీఐబీ రిపోర్ట్ చేసింది.
ఇవి కూడా చదవండి: Russia dead hand nuclear system: రష్యా “డెడ్ హ్యాండ్” అణు వ్యవస్థ అంటే ఏమిటి? అమెరికాకి యుగాంతం భయం పట్టుకుంటుందా?
వ్యూహాత్మక ప్రాముఖ్యం:
ఒమన్ స్ట్రాటజిక్ లొకేషన్ (స్ట్రెయిట్ ఆఫ్ హార్ముజ్) వల్ల గల్ఫ్, ఆఫ్రికా మార్కెట్లకు యాక్సెస్ సులభం అవుతుంది. ఇది UAE తర్వాత గల్ఫ్‌లో రెండవ పెద్ద ఒప్పందం. ఇతర FTAs (UK, NZ, EU)తో కలిపి భారత్ గ్లోబల్ వాల్యూ చైన్‌లో బలపడుతుంది. ఒమన్ తన 20 ఏళ్లలో మొదటి బైలాటరల్ FTA ఇది.
ఈ ఒప్పందం MSMEs, ఉపాధి సృష్టి, ఎగుమతి వృద్ధిని ప్రోత్సహిస్తుంది. టెక్స్‌టైల్ క్లస్టర్లు (తిరుపూర్, సూరత్), జ్యువెలరీ క్లస్టర్లు, కోస్టల్ రీజన్స్ (మెరైన్) లాభపడతాయి. దీర్ఘకాలికంగా బైలాటరల్ ట్రేడ్ $20-25 బిలియన్‌కి చేరవచ్చని అంచనాలు ఉన్నాయి.
పియూష్ గోయల్ ప్రకారం, ఇతర FTAs కూడా ఈ సంవత్సరం అమలులోకి వస్తాయి. ఇది భారత్ ఆర్థిక వృద్ధికి బలం చేకూరుస్తుంది. ఈ ఒప్పందం రెండు దేశాల మధ్య చారిత్రక సంబంధాలను మరింత బలపరుస్తుంది..
