అమెరికా వైమానిక రక్షణ వ్యవస్థలకు అవసరమైన క్షిపణుల నిల్వలు వేగంగా తగ్గిపోతున్నాయని సీనియర్ సైనిక అధికారులు హెచ్చరించడంతోనే ట్రంప్ ఈ నిర్ణయం తీసుకున్నట్లు సమాచారం (US air defence missiles).
ఇరాన్‌పై యుద్ధాన్ని మరింత తీవ్రం చేయడం వల్ల క్షిపణుల నిల్వలు ప్రమాదకర స్థాయికి పడిపోతాయని ట్రంప్‌నకు అమెరికా జాయింట్ చీఫ్స్ ఆఫ్ స్టాఫ్ ఛైర్మన్ జనరల్ డాన్ కేన్ సహా పలువురు సైనికాధికారులు వివరించినట్లు తెలుస్తోంది. దీంతో తక్షణమే పెద్ద ఎత్తున దాడులు మొదలుపెట్టకుండా వేచి చూడాలని నిర్ణయించినట్లు సమాచారం (Donald Trump, Iran). .ప్రస్తుత యుద్ధంలో ఇరాన్ భారీ సంఖ్యలో డ్రోన్‌లను వినియోగిస్తోంది. ఒక్కో డ్రోన్ ధర కేవలం 20 వేల నుంచి 50 వేల డాలర్లలోపే ఉంటోంది. ఆ డ్రోన్‌లను ఎదుర్కోవడానికి అమెరికా వినియోగిస్తున్న ఒక్కో ఇంటర్‌సెప్టర్ క్షిపణి ధర మాత్రం 15 లక్షల డాలర్లకు పైనే ఉంటుంది. దీంతో అమెరికా భారీగా నష్టపోతోంది..
మధ్యప్రాచ్యంలో ఉద్రిక్త పరిస్థితులు మరింత తీవ్రమవుతున్నాయి. ఇరాన్‌కు చెందిన కీలక లక్ష్యాలపై అమెరికా తాజాగా సైనిక చర్యలు చేపట్టినట్లు అంతర్జాతీయ మీడియా కథనాలు పేర్కొంటున్నాయి. ఈ పరిణామాలతో ప్రాంతంలో భద్రతా పరిస్థితులు మరింత ఆందోళనకరంగా మారాయి.
దీనికి ప్రతిస్పందనగా ఇరాన్ కూడా తగిన చర్యలు తీసుకుంటామని హెచ్చరించినట్లు సమాచారం. ఈ పరిణామాలను ప్రపంచ దేశాలు నిశితంగా గమనిస్తున్నాయి. యుద్ధం మరింత విస్తరించే అవకాశం ఉందన్న ఆందోళనల మధ్య, పరిస్థితిని అదుపులోకి తీసుకురావాలని ఐక్యరాజ్యసమితి సహా పలు దేశాలు ఇరు పక్షాలకు విజ్ఞప్తి చేస్తున్నాయి.
